आता ओढ दर्शनाची
भेटलागीं जीवा लागलीसे आस...
पाहे रात्रं दिवस वाट तुझी
सावळ्या विठ्ठलाच्या दर्शनाची आस मनी धरून देहू, आळंदीसह राज्याच्या कानाकोपर्‍यातून पायी निघालेल्या पालख्या रविवारी पंढरीपासून जवळच वाखरीत मुक्कामासाठी दाखल झाल्या. संतांच्या पालख्यांसह वैष्णवांचा मळा आज पंढरीकडे मार्गस्थ होणार आहे. विठ्ठलनामाचा अखंड गजर आणि ज्ञानेश्वर माउली तुकराम या जयघोषात वारकरी देहभान विसरून पंढरीच्या वाटेवर चालत आहेत.
