testwebdunia1
testwebdunia0
testwebdunia2
Widgets Magazine
Widgets Magazine

अविश्‍वसनीय, जादूई विजेतेपद – रॉजर फेडरर

roger federar
लंडन| Last Modified बुधवार, 19 जुलै 2017 (12:36 IST)
विम्बल्डनचे विजेतेपद आठव्यांदा जिंकल्यानंतर रॉजर फेडररला अश्रू आवरता आले नाहीत आणि ते स्वाभाविकच होते. त्याने 2012 मध्ये सातवे विम्बल्डन विजेतेपद पटकावल्यानंतर गेल्या पाच वर्षांत दोन वेळा अंतिम फेरी गाठली. परंतु दोन्ही वेळा त्याला जोकोविचकडून पराभव पत्करावा लागला. अपयशाची ही मालिका फेडररने या वेळी खंडित केली, तीही एकाच स्पर्धेत अनेक विक्रमांची नोंद करताना.
फेडररने त्याधी उपान्त्य फेरीत 11व्या मानांकित टॉमस बर्डिचला, उपान्त्यपूर्व फेरीत सहाव्या मानांकित मिलोस रायोनिचला, तर चौथ्या फेरीत 13व्या मानांकित ग्रिगोर दिमित्रोव्हला पाणी पाजले होते. तत्पूर्वी तिसऱ्या फेरीत झ्वेरेव्हला पराभूत करणाऱ्या फेडररविरुद्ध या स्पर्धेत एकाही प्रतिस्पर्ध्याला एकही सेट जिंकता आला नाही. विम्बल्डन स्पर्धेत बियॉर्न बोर्गनंतर (1976) ही कामगिरी करणारा फेडरर पहिलाच खेळाडू ठरला. त्यामुळेच या विजेतेपदाचे वर्णन फेडररने जादूई आणि अविश्‍वसनीय असे केले आहे.
सार्वकालिक महान टेनिसपटू असा लौकिक मिळविणाऱ्या रॉजर फेडररने आपल्या असामान्य कारकिर्दीत जिंकलेल्या एकूण 19 ग्रॅंड स्लॅम मुकुटांमध्ये विम्बल्डनच्या आठ, ऑस्ट्रेलियन ओपन आणि अमेरिकन ओपन स्पर्धेच्या प्रत्येकी पाच, तसेच फ्रेंच ओपन स्पर्धेतील एका मुकुटाचा समावेश आहे. त्याने एकदा ऑलिम्पिक सुवर्णपदकही जिंकले आहे. या वर्षी ऑस्ट्रेलियन ओपन स्पर्धा जिंकून त्याने गेल्या पाच वर्षांचा ग्रॅंड स्लॅम मुकुटांचा वनवास खंडित केला.
इतकी वर्षे विजेतेपदाला वंचित राहूनही आपणकधीच निराश झालो नाही, असे सांगून फेडरर म्हणाला की, मी नेहमीच स्वत:वर विश्‍वास ठेवला आणि विम्बल्डन विजेतेपदाचे स्वप्न पाहणे कधीच थांबविले नाही. तरीही गेल्या वर्षीच्या पराभवानंतर मी पुन्हा हा करंडक उंचावू शकेन अशी खात्री मला वाटत नव्हती. आणि म्हणूनच आज आठव्यांदा विम्बल्डन जिंकताना जे काही घडले ते केवळ अद्‌भुत असल्याची माझी भावना आहे.
गेल्या वर्षीप्रमाणेच या वेळीही विम्बल्डननंतर दीर्घकाळ ब्रेक घेण्याची इच्चा असल्याचे सांगून फेडरर म्हणाला की, निवडक स्पर्धा खेळल्यामुळेच चांगली कामगिरी करता येईल असे मला वाटते. केवळ फ्रेंच ओपनच नव्हे तर संपूर्ण क्‍ले-कोर्ट मोसमातून सुट्टी घेतल्यामुळे विम्बल्डनसाठी मी ताजातवाना राहू शकलो. मला वाटते की या संपूर्ण स्पर्धेतील निकालांमधून माझा निर्णय योग्य असल्याचेच दिसून येते.
सिलिचची केली प्रशंसा
सिलिचबद्दल सहानुभूती व्यक्‍त करताना फेडरर म्हणाला की, नियती काही वेळा किती क्रूर बनते याचे हे उदाहरण आहे. परंतु दुखापत होऊनही सिलिच ज्या प्रकारे झुंजला, त्यामुळेच तोच अंतिम लढतीचा खरा हीरो आहे असे मी म्हणेन. संपूर्ण स्पर्धेत सिलिचने केलेल्या अफलातून कामगिरीबद्दल त्याचे अभिनंदन. सिलिचला उपान्त्य फेरीत अमेरिकेच्या सॅम क्‍वेरीविरुद्धच्या लढतीत डाव्या पावलाला झालेल्या ब्लिस्टर्सचा फटका अंतिम लढतीत बसला. पहिल्या सेटच्या अखेरीस लंगडणाऱ्या सिलिचला दुसऱ्या सेटनंतर मैदानावरच पायावर उपचार करून घ्यावे लागले, तेव्हा विम्बल्डन विजेतेपदाची संधी सुटल्याची जाणीव होऊन त्याला भावना आवरता आल्या नाहीत. सिलिचने याआधी 2014मध्ये अमेरिकन ओपन स्पर्धा जिंकताना आपला पहिला ग्रॅंड स्लॅम मुकुट पटकावला होता. मात्र त्यानंतर त्याला एकाही ग्रॅंड स्लॅम स्पर्धेच्या अंतिम फेरीतही पोहोचता आलेले नाही.


यावर अधिक वाचा :

विराटचे फलंदाजांच्या क्रमवारीत अव्वल स्थान कायम

national news
भारतीय कर्णधार विराट कोहलीने आयसीसीच्या एकदिवसीय क्रिकेटमधील फलंदाजांच्या क्रमवारीत अव्वल ...

सोने-चांदीच्या दरात घसरण

national news
गेल्या चार दिवसात सोन्या-चांदीच्या दरात घसरण झाली आहे. सोन्याला दरात 600 ते 800 रुपयांची ...

गूगलला 4.3 अब्ज युरोचा दंड

national news
आपली मक्तेदारी रहावी याकरिता गूगलने अ‍ॅन्ड्राईड या ऑपरेतींग सिस्टिमचा चूकीचा वापर ...

पहिल्या 3 कसोटी सामन्यांसाठी भारतीय संघाची घोषणा

national news
इंग्लंडविरुद्ध होणाऱ्या पाच सामन्यांच्या कसोटी मालिकेतील पहिल्या 3 सामन्यांसाठी भारतीय ...

गूगलने आणले नवीन 40 पेक्षा अधिक देवनागरी फाँट्स

national news
आता गूगलने 40 पेक्षा अधिक देवनागरी फाँट्सची भेट टंकलेखकांना दिली आहे. यामुळे देवनागरीत ...

रिलायंसचा जिओफोन 2 मेड इन चायना

national news
आपल्या वर्षीय सर्वसाधारण सभेत देशातील मोठा उद्योग रिलायंसने 15 ऑगस्टपासून देशात 501 ...

एलईडी टीव्हीची देखभाल

national news
सध्या अनेकांच्या घरात एलईडी टीव्ही आहेत. सुस्पष्ट चित्र, ऊर्जाबचत आणि कमी जागा व्यापत ...

बनावट आणि आॅटोमेटेड अकाउंट ट्विटर बंद करणार

national news
बनावट आणि आॅटोमेटेड अकाउंट बंद करण्याची मोहीम ट्विटर हाती घेणार आहे. त्यामुळे ज्यांच्या ...

ग्राहकांचा फायदा, सर्व कंपन्यांची नेट सेवा एकाच दरात मिळणार

national news
दूरसंचार विभागाने नवीन धोरण तयार केले असून यात मोबाइल ग्राहकांना सर्व कंपन्यांची नेट सेवा ...

अफवा रोखण्यासाठी 'फॉरवर्ड मेसेज इंडिकेटर' फिचर आले

national news
अफवा, फेक न्यूज आणि फेक संदेश रोखण्यासाठी व्हाट्सअॅपने एक नवे फिचर सुरू केले आहे. या ...