एरवी झी मराठी पहायचं ते सासू-सून आणि कौटुंबिक संघर्षांच्या मालिकांसाठी, नाही तर वहिन्यांच्या फुगड्या पाहण्यासाठी. नशिब आमचं. पण कुठला तरी सुखद योग जुळून आला नि सारेगमप हा सुरेल कार्यक्रम सुरू झाला. कार्यक्रमांच्या गर्दीत तो बरा वाटला. रियालिटी शो. पण हा मराठी होता. म्हणून बघत गेलो. पर्वामागून पर्व उलटत गेली आणि एके दिवशी घोषणा झाली लिटिल चॅम्प्स पर्वाची.आता हे काय नवीन, म्हणून आम्ही पहिल्या दिवसापासून थोड्या उत्सुकतेने आणि काहीशा अविश्वासानेच हा शो पहायला सुरवात केली. अविश्वास यासाठी की तुम्ही चिमुरडे दिग्गजांची गाणी कशी गाणार म्हणून. पण पहिल्या दिवशीच हा....