उन्हाळ्यात व्यायाम टाळू नका!

ND उन्हाळ्यात लोक व्यायाम करायचे टाळतात. गर्मीमुळे घाम जास्त येतो. सहाजिकच त्यामुळे थकवा येतो. पण व्यायाम केला नाही तर जडपणा, लट्ठपणा आणि सुस्ती वाढते. म्हणूनच शरीर चपळपणे कार्यरत ठेवण्यासाठी व्यायाम गरजेचा आहे. त्याचवेळी उन्हाळ्यात येणारा अतिरिक्त थकवा कसा दूर करावा यासाठी खालील टिप्स आपल्याला उपयोगी ठरतील. * उन्हाळ्यात अतिरिक्त व्यायम करू नये. नेहमीइतकाच व्यायाम करावा. * व्यायामाने स्नायू ताणले जाऊन शरीराचे तापमान वाढते. परिणामी घाम बाहेर पडून शरीराचे तापमान नियंत्रित रहाते. या दिवसांत घाम जास्त येतो म्हणून जास्तीत जास्त पाणी प्यायला हवे. * उन्हाळ्याच्या दिवसांत सकाळी व्यायाम करणे सर्वांत उत्तम. कारण सकाळी तापमान कमी असते. * या दिवसांत व्यायामामुळे शरीरातले पाणी कमी होणे, स्नायू ताणले जाणे, थकवा, डोकेदुखी आणि आळस आल्यासारखे वाटते म्हणून व्यायामाच्या अगोदर भरपूर पाणी प्यायला पाहिजे. * गर्मीत दीड-दोन तास चालणारे खेळ खेळत असाल तर दरम्यान पाणी जरूर प्यावे. * गर्मीत प्राणायाम करणे लाभदायक असते. * या दिवसांत समोर वाकून करावयाचे आसन केल्यानंतर मागे वाकून करायचे आसन केले पाहिजे. * उन्हाळ्यात व्यायाम करताना वस्त्र जास्त कसलेले किंवा ढगळ नको. * गर्मीत प्रत्येक आसनानंतर शवासन किंवा मकरासन केले पाहिजे. * या दिवसांत प्राणायाम केल्यानंतर श्वास सामान्य झाल्यानंतरच पुढचे प्राणायाम केले पाहिजेत. * व्यायाम करताना गर्मी होत असल्यास चेहऱ्यावर थंड पाणी शिंपडायला पाहिजे. त्याने चांगले वाटते.