Winter Special Til Gud ladoo :हिवाळ्यासाठी बनवा खास तीळ-गुळाचे लाडू, फायदे जाणून घ्या
Winter Special Til Gud ladoo: हिवाळा प्रत्येकाला आवडतो. या ऋतूत प्रवासाचा एक वेगळाच आनंद आहे. यासोबतच या ऋतूत विविध प्रकारचे खाद्यपदार्थही उपलब्ध असतात. हिवाळ्यात आरोग्याची काळजी घेणे खूप गरजेचे असते.
हिवाळ्याच्या सुरुवातीला आरोग्याची काळजी घेतली नाही तर अनेक समस्या उद्भवू शकतात.या हंगामात शरीराला उष्ण ठेवण्यासाठी गरम उबदार कपडे घालतात आणि आपल्या आहारात शरीराला उष्ण ठेवणाऱ्या पदार्थांचे समावेश करतात. या हंगामात रोग प्रतिकारक शक्ती वाढवण्यासाठी पौष्टीक पदार्थांचे सेवन करतात जे शरीरासाठी फायदेशीर असतात.
शरीराची रोग प्रतिकारक शक्ती वाढवायची असेल तर या हिवाळ्यात तीळ-गुळाच्या लाडवाचा सेवन करावे. या मुळे शरीर उष्ण राहील. तीळ हे तेलकट बी आहे. त्यात निरोगी चरबी, प्रथिने, बी जीवनसत्त्वे, खनिजे, फायबर, अँटिऑक्सिडंट्स आणि अनेक आवश्यक संयुगे असतात. थंडीच्या मोसमात तीळ-गुळाचे लाडू हे आरोग्याचा खजिना मानले जातात.यामुळे शरीराला त्वरित ऊर्जा मिळते. तीळ आणि गुळाचे लाडू हृदयासाठी रामबाण औषध आहेत. त्यांचे फायदे जाणून घेऊया.
बद्धकोष्ठता दूर होते-
तीळ-गुळाच्या लाडूमध्ये फायबर मुबलक प्रमाणात आढळते. हृदयरोग आणि लठ्ठपणा दूर करण्यासाठी हे उपयुक्त आहे. बद्धकोष्ठतेपासून आराम मिळवून देण्यासाठीही हे लाडू खूप फायदेशीर आहेत. यामुळे कोणत्याही प्रकारच्या बद्धकोष्ठतेपासून आराम मिळू शकतो.
रोगप्रतिकार शक्ती मजबूत होते-
तीळ-गुळाच्या लाडूमध्ये व्हिटॅमिन बी, ई, झिंक, लोह, कॅल्शियम, सेलेनियम असते. ते रोगप्रतिकार शक्ती मजबूत करते. तीळ आणि गुळाचे लाडू फायदेशीर असतील पण जास्त प्रमाणात सेवन केल्यास त्याचेही नुकसान होऊ शकते. जास्त वापरामुळे रक्तातील साखरेची पातळी वाढू शकते.
पाचन समस्या कमी होते-
मुबलक प्रमाणात फायबर असल्यामुळे, तीळ गुळाचे लाडू पचनक्रिया मजबूत ठेवतात आणि त्याच्याशी संबंधित समस्या क्षणार्धात दूर करू शकतात. हे लाडू खाल्ल्याने डायरियाची समस्याही दूर होते.
हृदयासाठी फायदेशीर-
निरोगी चरबी, प्रथिने, बी जीवनसत्त्वे, खनिजे, फायबर, अँटीऑक्सिडंट्स तसेच अनेक आवश्यक संयुगे तिळात आढळतात. अनसॅच्युरेटेड फॅट्स तीळ-गुळाच्या लाडूंमध्येही आढळतात. हे खाल्ल्याने कोलेस्ट्रॉलची पातळी कमी होते आणि हृदयविकाराचा धोकाही कमी होतो.
Edited By- Priya DIxit
