भावाने आपल्या बहीण, मेहुणा, भाची तिघांनाही गोळ्या झाडल्या

Bihar News बिहारमधील भागलपूर जिल्ह्यातील गोपालपूर पोलीस स्टेशन परिसरात मंगळवारी सायंकाळी उशिरा ऑनर किलिंगची घटना उघडकीस आली असून, बहिणीच्या प्रेमविवाहामुळे संतप्त झालेल्या तरुणाने आपली बहीण, मेहुणा आणि भाची यांची गोळ्या झाडून हत्या केली. 

पोलिसांनी दिलेल्या माहितीनुसार, हे संपूर्ण प्रकरण नवतोलियाचे आहे. प्रेमप्रकरणातून लग्न केल्याने संतापलेल्या लोकांनी ही घटना घडवून आणल्याचे बोलले जात आहे.

चंदन कुमार, त्यांची पत्नी चंदा कुमारी आणि मुलगी रोशनी कुमारी अशी मृतांची नावे आहेत. चंदाचा अडीच वर्षांपूर्वी याच गावातील चंदन कुमार याच्यासोबत प्रेमविवाह झाला होता, त्यामुळे तिच्या कुटुंबीयांमध्ये नाराजी होती.

मंगळवारी सायंकाळी उशिरा चंदन पत्नी आणि मुलीसह कुठेतरी जात असताना वाटेत चंदाचे वडील पप्पू सिंग यांनी आपल्या मुलीच्या डोक्यात लोखंडी रॉडने वार केले. यानंतर त्यांनी मुलगा धीरज सिंह याला घटनास्थळी बोलावले. त्याने चंदा, चंदन आणि रोशनीची गोळ्या झाडून हत्या करून तेथून पळ काढल्याचा आरोप आहे.

भागलपूरचे पोलीसांने सांगितले की, आरोपींची ओळख पटली आहे. प्रथमदर्शनी हे ऑनर किलिंगचे प्रकरण आहे. या संपूर्ण प्रकरणाचा तपास करून आरोपींना अटक करण्यासाठी दोन पथके तयार करण्यात आली आहेत. आरोपींना पकडण्यासाठी छापेमारी सुरू आहे.