Widgets Magazine

हिंगीस-जान जोडीने चायना ओपन टेनिस स्पर्धेत विजेतेपद पटकावले

martina hingis
बीजिंग| Last Modified मंगळवार, 10 ऑक्टोबर 2017 (11:12 IST)
स्वित्झर्लंडची मार्टिना हिंगीस आणि तैवानची चॅन जंग जान या अग्रमानांकित जोडीने चायना ओपन टेनिस स्पर्धेच्या महिला दुहेरीत विजेतेपद पटकावताना मोसमाअखेरच्या मास्टर्स स्पर्धेसाठी पात्र ठरण्याचा पराक्रम केला. हिंगीस व चॅन जंग जान या जोडीने अंतिम फेरीत तिमिया बाबोस व अँड्रिया लाव्हाकोव्हा या चतुर्थ मानांकित जोडीचे आव्हान 6-1, 6-4 असे सहजगत्या मोडून काढत विजेतेपदाची निश्‍चिती केली.
त्याआधी हिंगीस-जान जोडीने भारताची टेनिसतारका सानिया मिर्झा आणि तिची साथीदार चीनची शुआई पेंग या जोडीचे आव्हान उपान्त्य फेरीच्या अत्यंत संघर्षपूर्ण लढतीत 2-6, 6-1, 10-5 असे संपुष्टात आणताना अंतिम फेरीत धडक मारली होती. तर तिमिया व लाव्हाकोव्हा जोडीने दुसऱ्या उपान्त्य लढतीत एकेटेरिना माकारोव्हा व एलिना व्हेस्निना जोडीचा 7-5, 4-6, 10-8 असा पराभव करून अंतिम फेरी गाठली होती. हिंगीस-जान जोडीने गेल्या आठवड्यातील स्पर्धेतही सानिया व शुआई यांना हिंगीस व चॅन जंग जान यांच्यावर उपान्त्य फेरीतच मात केली होती व त्यानंतर अंतिम फेरी जिंकून विजेतेपद पटकावले होते.
महिला एकेरीत बिगरमानांकित कॅरोलिन गार्सियाने द्वितीय मानांकित सिमोना हालेपवर 6-4, 7-6 अशी खळबळजनक मात करताना विजेतेपदाचा मान मिळविला. सिमोना हालेपने त्याआधी येलेना ऑस्टापेन्कोवर 6-2, 6-4 अशी मात करताना अंतिम फेरी गाठताना विश्‍वक्रमवारीत अग्रस्थानावर झेपही घेतली होती. परंतु अंतिम फेरीत तिला गार्सियाविरुद्ध सर्वोत्तम कामगिरी करता आली नाही. पुुरुष एकेरीत अग्रमानांकित राफेल नदालने आठव्या मानांकित निक किरगियॉसचा 6-2, 6-1 असा फडशा पाडताना विजेतेपद पटकावले.


यावर अधिक वाचा :