साहित्य : एक वाटी तुरीची डाळ, एक वाटी वांग्याच्या फोडी , २ चमचे तिखट, दोन ते अडीच चमचे मीठ, पाट गूळ, लहान लिंबा एवढी चिंच, दोन चमचे काळा (गोडा) मसाला, एक चमचा जिरे, पाव वाटी सुके खोबरे, दोन चमचे धने, कोथिंबीर, कढीलिंब व फोडणीचे साहित्य.
कृती : डाळ शिजवून घ्यावी. फोडणीत कढीलिंब घालून वांग्याच्या फोडी घालाव्या. एक वाफ आणून घ्यावी व त्यात डाळ घालावी. नंतर तिखट, मीठ, गूळ व चिंच घालावी. धने, जिरे व खोबरे भाजून, कुटून घालावे व कोथिंबीर घालावी व डाळवांगे चांगले उकळू द्यावे. हे डाळवांगे आपल्या आवडीप्रमाणे दाट किंवा पातळ करावे.
|
सुझाव/प्रतिक्रिया
मित्राला पाठवा
हे पान प्रिंट करा
