testwebdunia1
testwebdunia0
testwebdunia2

मालाडच्या मंगेश शाळेत कलादालन कार्यशाळा-स्पर्धा-प्रदर्शन

mangesh vidya mandir
मुंबई| Last Modified गुरूवार, 18 जानेवारी 2018 (14:03 IST)
शाळेतील विद्यार्थ्यांच्या सुप्त कलागुणांना प्रोत्साहन मिळावे तसेच शालेय विद्यार्थ्यांना कला क्षेत्रातील तज्ज्ञांकडून मार्गदर्शन मिळावे म्हणून मालाड-पूर्व च्या कुरार गावातील मंगेश विद्या मंदिर मध्ये २० जानेवारीपासून कलादालन स्पर्धेचे आयोजन करण्यात येत आहे. कलादालन मध्ये ह्यावर्षी वाद्य संगीत-कलावंत शोध अभियानाचे आयोजन करण्यात आले आहे. शालेय कला क्षेत्रातील एका अभिनव अभियानाची ही नांदी असून, मंगेश शाळेतील वादकांचा शोध आणि त्यांच्या टॅलेन्टला वाव देण्यासाठी २० ते २६ जानेवारी या दरम्यान मंगेश शाळेच्या सभागृहात कलादालन- कार्यशाळा-स्पर्धा-प्रदर्शन आयोजन करण्यात आले आहे. यंदाचे कलादालन महोत्सवाचे पाचवे वर्ष आहे.
मंगेश शाळेला येत्या वर्षी ५० वर्षे पूर्ण होणार आहेत. म्हणूनच नावीन्य म्हणून यंदाच्या वर्षापासून हा उपक्रम आयोजित करण्यात आला आहे. मुळात मंगेशी हे मंगेश शाळेच्या बोधचिन्हातील दैवत आणि ह्या दैवताच्या साक्षीने अनेक संगीत कलावंत भारत भूमीला मिळाले आहेत. मंगेशकर घराणे हे त्याचे एक मूर्तिमंत उदाहरण. शाळेतील विद्यार्थी आणि शाळेचे माजी विद्यार्थी ह्यांपैकी वाद्य संगीतात 'प्रवीण' असणाऱ्या उद्योन्मुख कलावंताच्या शोध अभियानाने ही स्पर्धा रंगणार आहे. हौशी वाद्य संगीत कलावंतांना शोधून त्यांना योग्य व्यासपीठ मिळावे यासाठी 'मंगेश विद्या मंदिर - माजी विद्यार्थी संघटने'तर्फे हा प्रयत्न होणार आहे. या अभियानात वाद्य संगीत तंतू वाद्ये अर्थात आघाती वाद्ये ज्यात सतार, संतूर, सरोद, मेंडोलीन, गिटार, बेस इलेक्ट्रिक, विचित्र वीणा आणि तत्सम वाद्यांचा समावेश आहे. तंतू वाद्यांमध्ये व्हायोलीन, सारंगी, दिलरूबा, तार शहनाई आणि तत्सम वाद्ये आहेत. सुशीर वाद्यांमध्ये सनई, बासरी, क्लेरोनेट, सॅक्सोफोन, माऊथ ऑर्गन, ट्रंपेट, की फ्लूट, बॅगपायपर, सुंद्री, पावरी आणि तत्सम वाद्यांचा समावेश आहे. ही वाद्ये वाजविता येणाऱ्यांना सहभागी होता येणार आहे. ज्या कलाकारांना ह्या व्यतिरिक्त अजून काही वाद्ये वाजविता येत असतील तर त्यांना हि ह्यात सहभाग घेण्याची संधी मिळणार आहे.
mangesh vidya mandir
ह्या वर्षीच्या कलादालन मध्ये शनिवारी २० जानेवारीपासून ते २४ जानेवारीपर्यंत सकाळी ९ ते दुपारी १२ ह्या वेळेत इ.१ली ते इ.४थी च्या विद्यार्थ्यांसाठी स्मरणशक्ती, पठण स्पर्धा, चित्रकला तर दुपारी ०२ ते ६ ह्या वेळेत इ.५वी ते इ.१०वी च्या विद्यार्थ्यांसाठी एकपात्री अभिनय, पथनाट्य, वैज्ञानिक संकल्पना प्रकल्प/खेळणी, पोस्टर मेकिंग, वाद्यवादन ह्या स्पर्धा होणार आहेत. शालेय विद्यार्थ्यांच्या कलाप्रतिभेला प्रोत्साहन मिळावे आणि कला विषयातील त्यांचा आत्मविश्वास वाढावा ह्यासाठी मंगेश विद्या मंदिर माजी विद्यार्थी संघाने ह्या वर्षीच्या कलादालन मध्ये इ.१ली ते इ.४थी च्या विद्यार्थ्यांसाठी स्मरणशक्ती कार्यशाळा तर इ.५वी ते इ.१०वी च्या विद्यार्थ्यांसाठी एकपात्री अभिनय, पथनाट्य, वैज्ञानिक संकल्पना प्रकल्प/खेळणी, वाद्यवादन स्पर्धा ह्या वर मार्गदर्शन करणारया कार्यशाळांचे आयोजन केले आहे. सदर कला मार्गदर्शनासाठी शाळेतील कला क्षेत्रातील माजी विद्यार्थ्यांचे अनुभवी मार्गदर्शन मिळणार आहे. तसेच रविवारी २१ जानेवारी ला सकाळी १० ते संध्याकाळी ५ वाजेपर्यंत माजी विद्यार्थ्यांसाठी वाद्यवादन स्पर्धा, माहितीसंपन्न कोलाज पोस्टर (Infographic)आणि चित्रकला स्पर्धांचे आयोजन केले आहे. २५ जानेवारीला संध्याकाळी ४ ते ६ ह्या वेळेत वैज्ञानिक संकल्पना प्रकल्प/खेळणी (इ.५वी ते इ.१०वी) आणि माहिती कोलाज (माजी विद्यार्थी) स्पर्धा साहित्य प्रदर्शनासाठी सहभागी व नोंदणी करून घेणार आहेत.
२६ जानेवारी-प्रजासत्ताक दिनी, सकाळी ८ ते दुपारी १ ह्यावेळेत झेंडावंदन-कार्यक्रम, कलादालन बक्षीस वितरण आणि कलादालन प्रदर्शन उदघाटन होईल तसेच मान्यवरांच्या हस्ते 'माझी शाळा - सुंदर शाळा' (स्वछता अभियान आणि शाळा रंगकाम उपक्रम) सहभाग निमंत्रणपत्रिका वाटप करण्यात येईल. अधिकाधिक माजी विद्यार्थी मित्रमैत्रिणींनी कलादालन महोत्सवात सहभागी व्हावे ह्यासाठी माजी विद्यार्थी संघातर्फे खुले सस्नेह निमंत्रण देण्यात येत आहेत.


यावर अधिक वाचा :

भाऊ कदमने दिला स्वच्छतेचा संदेश

national news
दिवाळीचा उत्साह सध्या सर्वत्र पाहायला मिळत आहे. दिव्यांची आरास आणि रांगोळीने सजलेल्या या ...

स्मार्टफोन्सच्या विक्रीत भारताने अमेरिकेला मागे टाकले

national news
स्मार्टफोनच्या बाजारपेठेत भारतानं अमेरिकेला मागे टाकत दुसऱ्या स्थानी झेप घेतली आहे. जुलै ...

मराठा समाज आरक्षण : आयोगाचा अहवाल बुधवारी सादर होणार

national news
मराठा समाजाविषयीचा राज्य मागासवर्ग आयोगाचा अहवाल बुधवारी किंवा गुरुवारी राज्य सरकारला ...

भारत आणि केनियामध्ये प्रसारमाध्यम साक्षरतेसाठी कार्यक्रम

national news
बीबीसीच्या ‘बियाँड फेक न्यूज’ या उपक्रमाची सुरुवात 12 नोव्हेंबर रोजी होत आहे. खोटी बातमी ...

मोबाईल मार्केटमध्ये मागे राहिल्या भारतीय कंपन्या, चिनी ...

national news
भारतीय मोबाइल मार्केटमध्ये पाच वर्षांपूर्वी 50 टक्क्यांहून अधिक शेअर्स असलेल्या स्वदेशी ...

माझी प्रकृती ठीक असून मी माझ्या घरी आहे : लता मंगेशकर

national news
गानसम्राज्ञी लता मंगेशकर यांनी त्यांच्या प्रकृतीबाबतच्या अफवांवर ट्विटरच्या माध्यमातून ...

या 5 कारणांमुळे सचिन पायलट नव्हे तर गहलोत राजस्थानचे ...

national news
काँग्रेस अध्यक्ष राहुल गांधींनी राजस्थानच्या मुख्यमंत्री पदासाठी काँग्रेस महासचिव आणि ...

मुनगंटीवारांकडून निरुपम यांच्यावर अब्रुनुकसानीचा दावा

national news
वनमंत्री सुधीर मुनगंटीवार यांनी गुरुवार, १३ डिसेंबर रोजी मुंबई काँग्रेसचे अध्यक्ष संजय ...

बाप्परे, रस्सीखेच खेळ खेळताना विद्यार्थ्यांचा मृत्यू

national news
मुंबईतील विद्याविहारच्या सोमय्या महाविद्यालयात रस्सीखेच खेळ खेळताना जीबीन सनी (२२) या ...

आई झाल्यावर खेळाडूंची रँकिंग तीन वर्षांपर्यंत सुरक्षित

national news
आता महिला टेनिस खेळाडूंची रँकिंग आई झाल्यावरही खाली पडणार नाही. आंतरराष्ट्रीय महिला टेनिस ...