testwebdunia1
testwebdunia0
testwebdunia2
Widgets Magazine
Widgets Magazine

गोलंदाजाच्या डोक्यावर चेंडू आदळून गेला षटकार

न्यूझीलंड| Last Modified शुक्रवार, 23 फेब्रुवारी 2018 (14:01 IST)
क्रिकेट हा अनिश्चिततेचा खेळ आहे असे म्हटले जाते, मैदानावर काहीही होऊ शकते ज्यावर अनेकदा विश्र्वास ठेवणे कठीण असते. एखाद्या फलंदाजाने मारलेला फटका गोलंदाजाच्या डोक्यावर आदळून षटकार गेल्याचे तुम्ही कधीही पाहिले नसेल. पण असे घडले आहे, न्यूझीलंडध्ये एका क्रिकेटच सामन्यात.
न्यूझीलंडच्या स्थानिक एकदिवसीय सामन्यादरम्यान हा चमत्कारीक फटका पाहायला मिळाला. न्यूझीलंड संघाचा कसोटी सलामीवीर जीत रावल याने हा अफलातून शॉट मारला. येथील फॉर्ड ट्रॉफीतील एका सामन्यात ऑकलंडच्या संघाकडून खेळताना फलंदाज जीत रावल याने कॅन्टरबरी संघाचा गोलंदाज आणि कर्णधार अ‍ॅन्ड्र्यू एलिस याने टाकलेल्या एका चेंडूवर जोरदार प्रहार केला.

आक्रमक खेळत असलेल्या जीत रावलने हा शॉट थेट गोलंदाजाच्या दिशेने मारला होता. शॉटचा वेग इतका जास्त होता की गोलंदाज एलिसने स्वतःच्या बचावासाठी खाली वाकण्याचा प्रयत्न केला. पण क्षणार्धात चेंडू एलिसच्या डोक्यावर बरोबर मधोमध येऊन आदळला आणि आश्चर्यकारकरीत्या उडून सीमारेषेपार गेला. पंचांनी पहिले चौकार असल्याचा इशारा केला पण लगेच बदलून षटकार असल्याचे स्पष्ट केले.

पण विशेष म्हणजे इतक्या जोरात चेंडू लागल्यानंतरही गोलंदाज एलिसला काहीही झाले नाही. शॉट एलिसच्या डोक्यावर लागल्याचे पाहताच रावल त्याची विचारपूस करण्यास गेला पण तो ठणठणीत उभा होता. सुरक्षेच्या कारणास्तव एलिसला मैदानाबाहेर नेऊन त्याची वैधकीय चाचणी घेण्यात आली. सामना संपायला काही षटके शिल्लक असताना एलिस मैदानात परतला आणि विशेष म्हणजे त्याने रावलची विकेट देखील घेतली.

रावलच्या 149 (153 चेंडू) धावांच्या खेळीध्ये 10 चौकार आणि 4 षटकारांचा समावेश होता. त्याच्या शानदार फलंदाजीच्या बळावर ऑकलंडने हा सामना जिंकला.


यावर अधिक वाचा :

पत्नी आणि मुलगी यांच्यातील वादामुळे परेशान होते भय्यु ...

national news
राष्ट्रीय संत भय्यु महाराज यांच्या मृत्यूमुळे केवळ इंदूरच नव्हे तर देशातील त्यांच्या अनेक ...

किम जोंग आणखी एक विचित्र प्रकार उघड

national news
सिंगापूरमध्ये अमेरिकेसोबत शिखर परिषदेसाठी आलेल्या उत्तर कोरियाचे हुकूमशाह किम जोंग यांची ...

जिओकडून ग्राहकांना आकर्षित करण्यासाठी ऑफर

national news
जिओने पुन्हा एकदा ग्राहकांना आकर्षित करण्यासाठी ऑफर आणली आहे. जिओने एक नवा प्लान आणला ...

भय्यू महाराज यांच्या पार्थिवावर आज इंदूरमध्ये अंत्यसंस्कार

national news
अध्यात्मिक गुरु भय्यू महाराज यांच्या पार्थिवावर आज मध्यप्रदेशातील इंदूरमध्ये अंत्यसंस्कार ...

भय्यु महाराजांचे सुसाइड नोट, मी तणावात दुनिया सोडून जात आहे

national news
इंदूर- आध्यात्मिक गुरु भय्यू महाराज यांनी स्वत:ला गोळी झाडून आत्महत्या केली. यामुळे ...