testwebdunia1
testwebdunia0
testwebdunia2

केक करत आहे, मग ही काळजी घ्या.....

cake
WD|
केक खाताना केकच्या एखाद्या किंवा काही तुकड्यांवर समाधान मानावं लागतं. तो केक खाताना छान हलका-फुलका लागला की केक करताना केलेल्या सर्व कष्टांचं अगदी चीज झाल्यासारखं वाटतं. केक जमला या समाधानानंच पोट भरतं. केक म्हणजे कसोटी पाहणारा पदार्थ. तो जर नीट जमला नाही तर केवळ केक बिघडला म्हणूनच हिरमोड होतो, असं नाही तर ज्या प्रसंगासाठी केक करण्याचा घाट घातलेला असतो त्यातला आनंदच निघून जातो. केक करायचा म्हणजे तुमच्याकडे निवांत काही तास असले पाहिजेत. चिरली भाजी आणि घातली फोडणी अशी घाई केकमध्ये करून चालत नाही. केकचा प्रत्येक टप्पा अगदी काळजीपूर्वकच पार करावा लागतो. सरावानं केक चांगला जमतो. तरीही केक करताना काही गोष्टी लक्षात ठेवल्या तर अगदी नवख्यांचाही केक छान होतो.
सर्वसाधारणपणे मैदा, मीठ व बेकिंग पावडर हे घटक तीन वेळा चाळून घेण्यास सांगितलेलं असतं. त्याचं कारण असं की, तीन वेळा चाळल्यामुळे सर्व घटकांचं मिश्रण एकजीव होतं आणि थोडी हवाही त्यात मिसळते. हे कोरडं मिश्रण केकमध्ये सर्वात शेवटी घालायचं असतं आणि त्यानंतर फार घुसळायचं नसतं. फार घुसळल्यास निर्माण झालेला वायू निघून जाण्याची शक्यता असते. जास्त ग्लुटेन होण्याचीही भीती असते कारण तसं झालं तर केक कडक होऊ शकतो. म्हणून कोरडे घटक सर्वात शेवटी हलक्या हातानं मिक्स करायचे असतात.

केकसाठी लागणारे सगळे घटक खोलीच्या तपमानाला असले पाहिजेत. केक भाजत असताना कोणते रासायनिक बदल त्यात घडणार आहेत याचा विचारकरून त्याच्या कृती दिलेल्या असतात. त्यामुळे त्या तंतोतंत पाळाव्यात. केक ओव्हनमध्ये ठेवण्यापूर्वी ओव्हनचं तपमान कृतीत सांगितल्याप्रमाणे ठेवून आधी तापवून घ्यावं.

ज्या भांड्यात केक करायचा असेल त्याला लोणी किंवा तूप लावून त्यात थोडा मैदा भुरभुरावा. त्यामुळे केक भांड्याला चिकटत नाही. सगळ्यात उत्तम म्हणजे भांड्यात बटरपेपर घालावा. बटरपेपर घालताना काही वेळा तो भांड्याच्या कडेला नीट उभा रहात नाही. अशा वेळी भांड्याला पुसट तुपाचा हात सर्व बाजूंनी फिरविला तर बटरपेपर चिकटून व्यवस्थित उभा रहातो.

सेल्फ रायझिंग फ्लोअरमध्ये बेकिंग पावडर आधीच घातलेली असते. एखाद्या कृतीत असं पीठ वापरायचं असल्यास ते मुद्दाम बाजारातून मिळवण्याची किंवा बाजारात जाऊन शोधण्याची गरज नाही. १00 ग्रॅम मैद्यात १ टीस्पून बेकिंग पावडर आणि चिमूटभर मीठ घातलं की तसं पीठ तयार होतं.
केकचं मिश्रण फार घट्ट झालं तर तो फुगत नाही. पातळ झालं तर सुरुवातीला फुगतो आणि मग खाली बसतो. केकच्या मिश्रणात चमचा पूर्ण बुडवून बाहेर काढून उलटा केल्यावर जर मिश्रण काही सेकंद चिकटून राहिलं आणि मग खाली पडलं तर ते योग्य आहे, असं समजावं. केक झाला की नाही हे पाहण्यासाठी सुरीचं स्वच्छ पातं केकच्या मध्याच्या जरा बाजूला केकमध्ये तळापर्यंत उभं घालावं व लगेच काढावं. जर स्वच्छ असेल तर केक झाला.

सुरीला मिश्रण चिकटलं असेल तर केक आणखी थोडा वेळ भाजावा लागेल.केकमध्ये साखर वापरताना मिक्सरमध्ये थोडी बारीक (पिठीसाखर नव्हे) करून घ्यावी म्हणजे ती लोण्यात लवकर विरघळेल. लोणी आणि साखर घुसळताना त्यात हवा मिसळून मिश्रण फुगलेलं दिसेपर्यंत, त्यातली साखर पूर्ण विरघळेपर्यंत घुसळावं.

सगळ्यात महत्त्वाचं म्हणजे केक बनवणं हे कौशल्याचं काम आहे. पण त्यासाठी अंडं लागतंच असं नाही. अंड्याशिवायही केक आणि बिस्किटं उत्तम होतात.


यावर अधिक वाचा :

विचित्र स्वप्ने रोखण्याचा उपाय सापडला

national news
शास्त्रज्ञांनी जनुकांची अशी एक जोडी शोधली असून तिच्या मदतीने रात्री झोपेत लोकांना पडणारी ...

भारतात समलैंगिकता आता गुन्हा नाही, सुप्रीम कोर्टाचा ...

national news
समलैंगिकता आता भारतात गुन्हा नाही, असा ऐतिहासिक निकाल सुप्रीम कोर्टाने दिला आहे. सुप्रीम ...

काय आहे #DeleAlliChallenge...शाहिद आणि रणबीर कपूरने ही केले ...

national news
सोशल मीडियावर ‘किकी चॅलेंज’ नंतर आता ‘डेले अली चॅलेंज’ ट्रेड होत आहे. या चॅलेंज मध्ये ...

SC/ST ऍक्ट : भारत बंदचा मध्यप्रदेशमध्ये प्रभाव, शाळा, ...

national news
भोपाळ- SC/ST ऍक्ट संशोधन विरुद्ध सवर्णांद्वारे भारत बंदचा मध्यप्रदेशात प्रभाव दिसून आला. ...

दोन नवीन जबरदस्त आणि स्वस्त स्मार्टफोन भारतात लॉंच

national news
एमआयचे दोन नवीन जबरदस्त आणि स्वस्त स्मार्टफोन भारतात लॉंच केले आहेत. Xiaomi RedMiचे हे ...

चाळिशीनंतरची तंदुरुस्ती

national news
मराठीतील कलरफुल अभिनेत्री पुजा सावंतचा ‘लपाछपी’हा सिनेमा चाळिशीनंतर महिलांची चयापचय ...

‘फ्रेंच मॅनिक्‍युअर’करा घरच्या घरी

national news
जेणेकरून नखांच्या उर्वरित ठिकाणी ते पसरणार नाही. आता यावर व्हाईट पॉलिश लावा. यानंतर ते ...

चीले चपाती

national news
बेसन पिठात तिखट, हिंग, मीठ, हळद, ओवा कोथिंबीर, पाणी घालून एकजीव करून घ्यावे. गव्हाच्या ...

या काळात मूडमध्ये असतात महिला

national news
एका सर्वेक्षणात हे स्पष्ट झाले आहेत की महिला आणि पुरुषांमध्ये शारीरिक संबंध बनवण्याची ...

गणपतीसारख्या भव्य देवतेला उंदरासारखे एवढेसे छोटे वाहन कसे

national news
गणपतीची कोणतीही मूर्ती पाहिली तरी गणपतीबाप्पांच्या पायाशी वाहन म्हणून असलेला मूषक किंवा ...