कशासाठी?... पोटासाठी!
|
तेवढ्यात नेत्यासारखी दिसणारी एक व्यक्ती शुभ्र वेषभूषेत तेथे आली. मिकी माऊसकडे त्यांनी एक छद्मी कटाक्ष टाकला आणि दुसरीकडे जाऊ लागली. तेवढ्यात त्यांना काय वाटले कुणास ठाऊक. ते त्या मिकी माऊसच्या दिशेनं गेले. त्याच्या कानाजवळ तोंड नेऊन म्हणाले,
``काय रे, आत श्वास कोंडून जीव घाबरा होत नाही का?
सुरवातीला त्या मुलाला नीट ऐकू गेलंच नाही. मग नेत्यानं ओरडून पण काहीशा जरबयुक्त भाषेतंच पुन्हा तोच प्रश्न विचारला. त्या मुलानं त्यांच्याकडे पाहिलं नि हळू आवाजात सांगितलं, ``होतो ना. पण भूक लागल्यावर जेवढा जीव घाबरतो तेवढा नाही.``
|
मूळ लेखक- शिशिर उपाध्याय
अनुवाद- अभिनय कुलकर्णी
