testwebdunia1
testwebdunia0
testwebdunia2

डोळे आले म्हणजे काय?

conjunctivitis
Last Updated: गुरूवार, 11 एप्रिल 2019 (10:20 IST)
सध्या महाराष्ट्र, गुजरात, राजस्थान या भागात डोळ्यांची साथ पसरलेली आहे. लोकांचे डोळे येण्याचे वाढते प्रमाण आणि डॉक्टरांनी दिलेला धोक्याचा इशारा यामुळे सर्वांनीच सतर्क राहण्याची गरज आहे. याबाबत माहिती देणारा हा लेख...
डोळ्यातील पांढरा भाग आणि पापणी खालील भागामध्ये एक पारदर्शक पडदा असतो त्यालाच कान्जुक्टीव्हा असे म्हणतात. या कॉन्जुक्टिव्हाची जळजळ किंवा आग होणे याला कॉन्जुक्टीव्हिटीज किंवा डोळे येणे असे म्हणतात. डोळ्यातील रक्त कोशिकांची आग होऊन त्या मोठे होतात व त्यामुळे डोळे लाल किंवा गुलाबी होतात. त्यामुळे डोळे आले असल्यास त्याला कधी कधी गुलाबी डोळे (पिंक आय) असेही म्हणतात. डोळे येण्याचे दोन प्रकार आहेत. एक संसर्गिक व दुसरा ऍलर्जिक.

डोळे येण्याच्या दोन्ही प्रकारामध्ये लक्षणे ही बहुतेक सारखीच असतात. ऍलर्जिक प्रकारामध्ये दोन्ही डोळ्यांना एकावेळी त्रास होतो. संसर्गिक प्रकारामध्ये प्रथम एक व त्यानंतर दुसऱ्या डोळ्याला त्रास सुरू होतो. डोळे आल्यावर डोळ्यातून पाणी येणे, डोळे लालसर होणे, डोळ्यांच्या पापण्या चिटकणे, डोळे खुपणे अशी लक्षणे दिसतात. परंतु, संसर्गाच्या प्रकारानुसार लक्षणेही धोकादायक असू शकतात.
डोळे येणे हे सामान्यत: संसर्गामुळे होते. जंतू किंवा बॅक्टेरिया किंवा विषाणू हे डोळे येण्यास कारणीभूत आहेत. सर्दीमुळेही डोळे येऊ शकतात आणि सर्दीमुळे डोळे येण्याच्या साथीचा प्रसारही होऊ शकतो. त्याचप्रकारे रसायने, द्रव्ये, वायू यामुळे मोठ्या प्रमाणात डोळे आल्याचे निदर्शनास आले आहे. नेत्र सौदर्य प्रसाधनाच्या वापरामुळे, जास्त प्रमाणात डोळ्यावर वार्‍याचा मारा झाल्याने तसेच अतिनील किरणांमुळे डोळे आल्याचे दिसून आले आहे.
डोळे येण्याच्या रोगावर दृश्य लक्षणावरुन विशेषत: डोळ्याचा लालसरपणा व डोळ्यावर आलेली सूज यावरुन उपचार केले जातात. डोळ्यातील प्रभावित पेशी आणि डोळ्यातील मळ (चिपड) यांचे परीक्षण करुन डोळे आल्याची कारणे शोधली जातात. डोळे हे बॅक्टेरियल, व्हायरल किंवा ऍलर्जिक प्रकारामुळे आले आहे हे बघणे महत्त्वाचे आहे. जेणेकरुन त्यावर योग्य उपचार करणे शक्य होते.

डोळे आल्यास व त्याचा प्रभाव सौम्य असल्यास त्यावर उपचाराची गरज नसते. त्यावर डोळ्याच्या मलमाद्बारे उपचार होऊ शकतो. रासायनिकदृष्ट्या मानवाचे अश्रू हे डोळ्याच्या संसर्गाशी प्रतिकार करतात. परंतु, याउलट झाल्यास नेत्रचिकित्सकाचा सल्ला घेणे आवश्यक आहे.
डोळ्याची जळजळ होत असल्यास डोळ्यावर थंड पाणी टाकावे. डोळ्यांतून चिपड येत असल्यास कोमट पाण्याने व टिश्यू पेपरने डोळे वारंवार साफ करावे आणि वापरानंतर टिश्यू पेपर नष्ट करावा. त्यामुळे इतरांना होणारा संसर्ग टाळता येईल. कॉन्टॅक्ट लेन्सच्या वापरामुळेही डोळे लाल होऊ शकतात. अशा वेळी नेत्रचिकित्सकाचा सल्ला घेऊन कॉन्टॅक्ट लेन्सचा प्रकार बदलता येईल. डोळे हे विषाणूच्या संसर्गाने आले असल्यास त्याचा प्रभाव डोळ्यातील बुबुळावर होतो. अशा वेळी डोळे दृष्टीहिनता ही येऊ शकते. अर्भकामध्ये डोळे येणे ही सामान्य बाब आहे.
डोळे आले असल्यास अस्वच्छ हाताने डोळे चोळू नये. तसेच डोळ्यांना स्पर्श केल्यास तत्काळ हात धुऊन घ्यावे. त्याचबरोबर ज्या व्यक्तिचे डोळे आले आहेत अशा व्यक्तीचा हातरुमाल, टॉवेल आदींचा वापर करु नये. ऍलर्जिक डोळे आले असल्यास तात्काळ नेत्रचिकित्सकाकडे जाऊन योग्य उपचार घेणे गरजेचे आहे. तसेच सर्दी, ताप आल्यास नाक शिंकरल्यानंतर डोळ्याना स्पर्श करु नये.

डोळे येणे हा डोळ्याचा संसर्गजन्य रोग आहे. डोळे हे देवाने मानवाला दिलेली अमूल्य भेट आहे. त्याची निगा राखणे आपल्याच हाती आहे. खबरदारी हा रोग न होऊ देण्यापेक्षा सर्वात चांगला उपाय आहे.


यावर अधिक वाचा :

Jio चा नवीन रेकॉर्ड, अडीच वर्षात ग्राहकांची संख्या 300 ...

national news
रिलायंस जिओने अडीच वर्षात 300 मिलियन ग्राहकांना जोडण्याचा आकडा पार केला आहे. रिलायंस ...

भारतीय निवडणुकीत बीबीसीचा नवीन पुढाकार, यूजर्सला मिळेल असा ...

national news
बीबीसी न्यूज भारतात 2019 च्या सामान्य निवडणुकीच्या आपल्या कव्हरेजमध्ये नावीन्य आणण्याचे ...

देवेंद्र फ़डणवीस महाराष्ट्राचंच नेतृत्व करतीलः नरेंद्र ...

national news
देवेंद्र फडणवीस चांगलं काम करत आहेत. महाराष्ट्रात उत्तम विकास होत आहे. भविष्यातही ...

पर्रिकर यांच्यासोबत निगडीत राफेल खरेदी प्रकरणावरुन शरद ...

national news
राज्यात मुख्यमंत्री देवेद्न फडणवीस भाजपची प्रचार यंत्रणा जोरदार पद्धतीने सांभाळत आहेत. ते ...

सुशीलकुमार शिंदेनी घेतली आंबेडकरांची भेट

national news
सोलापूर लोकसभा मतदारसंघात एकमेकांचे कट्टर प्रतिस्पर्धी असलेले काँग्रेस नेते सुशीलकुमार ...

या आठ मार्गाने करा थकवा दूर करा

national news
सकाळी झोपेतून उठल्यावर थकवा जाणवत असेल आणि कोणतेही काम करायची इच्छा होत नसेल तर या टिप्स ...

Sun Tanning: सन टॅनिंग दूर करण्यासाठी घरगुती फेस पॅक

national news
हळद-बेसन 2 चमचे बेसन, चिमूटभर हळद, 1 चमचा गुलाबपाणी, 1 चमचा दूध एका बाऊलमध्ये मिसळून ...

वेट लॉसमध्ये देखील इफेक्टिव आहे हे मसाले

national news
रोजच्या जेवणात वापर करण्यात येणारे काही मसाले जेवणाची चव वाढवतात तसेच वजन कमी करण्यास ...

बनाना विथ स्पाँज केक आइसक्रीम

national news
दह्याला चांगल्या प्रकारे घुसळून घ्यावे व त्यात कुस्करलेलं केळ टाकावे. सायीला फेटून ...

जाणून घ्या बर्फाचे हे ही फायदे...

national news
उन्हाळ्यात बर्फ नाव घेतलं तरी थंड वाटू लागतं परंतू गार रसदार बर्फाचे अनेक फायदे आहे जे ...