मोदी सरकारला तोगडिया यांनी उणे २५ टक्के गुण देत सरकारच्या परराष्ट्र धोरणावरही त्यांनी सडकून टीका केली. फक्त स्वप्न दाखवून सत्ता मिळवता येत नाही. सत्तेसाठी सरकारने काम करावे लागते आणि त्याचे चांगले परिणामही दिसावे लागतात असे ते म्हणाले. मोदी सरकारने त्यांच्या आश्वासनांपासून यू टर्न घेतल्यामुळे राष्ट्रीय स्वयंसेवक संघ आणि भाजपचे अनेक नेते नाराज असल्याचेही त्यांनी सांगितले. सरकारने अयोध्येत राम मंदिर उभारण्यासाठी संसदेत कायदा करावा, गोवंश हत्याबंदी लागू करावी आणि ३७० कलम रद्द करण्याची मागणी केली. तोगडिया यांनी १४ एप्रिलला विहिंपची साथ सोडली.
