'लिपस्टिक अंडर माय बुरखा' ला 'ए' प्रमाणपत्र
'लिपस्टिक अंडर माय बुरखा' या सिनेमाला 'ए' प्रमाणपत्र देण्यास सेन्सॉर बोर्डाला सांगितले आहे. यापूर्वी सेन्सॉर बोर्डाने या सिनेमाला प्रमाणपत्र देण्यास नकार दिला होता. चित्रपटातील काही दृश्ये हटवून प्रमाणपत्र देण्याचे निर्देश एफसीएटीने दिले आहेत. जी दृश्ये कथानकाचा अविभाज्य भाग होते.
या सिनेमामध्ये महिलांना चुकीच्या पद्धतीने प्रदर्शित करण्यात आले आहे तसेच एका विशिष्ट समाजाच्या महिलांना लक्ष्य केल्यामुळे त्या समाजाच्या भावना दुखावू शकतात' या कारणावरून केंद्रीय चित्रपट प्रमाणन बोर्डाच्या समितीने या चित्रपटाला प्रमाणपत्र नाकारले होते. टोकियो आंतरराष्ट्रीय चित्रपट महोत्सवात 'लिपस्टिक अंडर माय बुरखा' या सिनेमाला अलीकडेच 'द स्पिरीट ऑफ आशिया' हा पुरस्कार मिळाला आहे. कोंकणा सेन शर्मा, रत्न पाठक या कलाकारांची या सिनेमात महत्वाची भूमिका असणार आहे.
