या घटनेमुळे संपूर्ण देश एक झाला आहे', पहलगाम हल्ल्यावर नवाजुद्दीनने व्यक्त केले दुःख

नवाजुद्दीन सिद्दीकी सध्या त्याच्या आगामी 'कोस्टाओ' चित्रपटाचे प्रमोशन करत आहे. नुकत्याच एएनआयशी झालेल्या संभाषणात नवाजुद्दीनने पहलगाम हल्ल्याबद्दलही चर्चा केली.

नवाजुद्दीन सिद्दीकी म्हणतो, 'माझ्या मनात खूप राग आणि दुःख आहे. मला वाटतं की आपलं सरकार काम करत आहे आणि दहशतवाद्यांना शिक्षा झालीच पाहिजे. जे काही घडले ते खूप दुःखद आहे. तसेच मी हेही सांगू इच्छितो की काश्मीरमधील लोक पर्यटकांचे स्वागत ज्या पद्धतीने करतात ते पैशाच्या आणि इतर सर्व गोष्टींच्या पलीकडे आहे. काश्मिरी लोकांचे हृदय आपल्याबद्दल आणि तिथे येणाऱ्या सर्व पर्यटकांबद्दल प्रेमाने भरलेले आहे.   

नवाजुद्दीन सिद्दीकी पुढे म्हणतात, 'हिंदू असो, मुस्लिम असो, शीख असो किंवा ख्रिश्चन असो, अशा दुःखाच्या क्षणी सर्वजण एकत्र येतात. ही घटना (पहलगाम दहशतवादी हल्ला) संपूर्ण देशाला एकत्र आणते ही अभिमानाची, आनंदाची गोष्ट आहे. अलिकडेच, नवाजुद्दीनने पहलगाम हल्ल्याचा निषेध करण्यासाठी हातावर काळी पट्टी बांधली होती. 

नवाजुद्दीन सिद्दीकीच्या कारकिर्दीबद्दल बोलायचे झाले तर तो लवकरच 'कोस्टाओ' चित्रपटात दिसणार आहे. ही कहाणी आहे कोस्टाओ फर्नांडिस या धाडसी कस्टम अधिकाऱ्याची. या बायोपिकमध्ये नवाजुद्दीनने कोस्टाओची भूमिका साकारली आहे. या चित्रपटाचे दिग्दर्शन सेजल शाह यांनी केले आहे, हा चित्रपट 01 मे 2025 रोजी ओटीटीवर प्रदर्शित होईल. 

Edited By - Priya Dixit