निर्माता - कमलकुमार बडजात्या, ताराचंद बडजात्या, राजकुमार बडजात्या, अजीतकुमार बडजात्या दिग्दर्शक - कौशिक घटक गीत-संगीत- रवींद्र जैन कलाकार - सोनू सूद, ईशा कोप्पिकर, आलोक नाथ, स्मिता जयकर, अनंग देसाई, विशाल मल्होत्रा, छवि मित्तल, श्रीवल्लभ व्यास.
हम आपके है कौन, हम साथ साथ है, अशी कौटुंबिक चित्रपट प्रेक्षकांच्या पसंतीस उतरवणार्या राजश्री प्रोडक्शनने पुन्हा ‘एक विवाह ऐसा भी’ हा चित्रपट नोव्हेंबर महिन्यात प्रदर्शित होणार आहे. ‘विवाह’ सारखाच हा चित्रपट असल्याची चर्चा सुरू आहे. मात्र निर्मात्याच्या मते ही केवळ अफवा आहे.
IFM
IFM
भोपाळमध्ये राहणार्या चांदनीची (ईशा कोप्पिकर) ही कथा आहे. ती एका मध्यमवर्गीय कुटुंबातील आहे. नैतिक मूल्य व संस्कार यांच्यावर विश्वास ठेवणारी चांदनी वडील व लहान भाऊ-बहिन अनुज व संध्या यांच्यासोबत राहते.
शास्त्रीय गायनात चांदनीने पदवी प्राप्त केली असून ती स्टेज परफॉर्म करते. अशाच एका कार्यक्रमात चांदनीची प्रेम (सोनू सूद) नामक तरुणाशी भेट होते व तेव्हा पासूनच त्याच्याच गुटूर गु...सुरू होते.
प्रेम एक श्रीमंत कुटुंबातील असून त्याला गाण्याचा छंद आहे. चांदनी ज्या सुरात गाते तितक्यात बेसुरात प्रेम गातो. चांदनी व प्रेम यांचे आयुष्य सुख व आनंदाने भरून जाते.
IFM
IFM
चांदनी व प्रेम यांचा ज्या दिवशी सगाई होते. त्याच दिवशी चांदनीच्या वडीलांचा मृत्यु होतो. चांदनीवर दु:खाचा जणू डोंगरच कोसळतो. चांदणीच्या एका बाजूला प्रेमसोबतचे सुखी आयुष्य असते तर दुसर्या बाजुला लहान भाऊ-बहिन यांची जबाबदारी अचाकन येऊन पडते. काय करावे, अशा द्विधा मनस्थितीत ती सापडते.
लहान भाऊ बहिनीच्या प्रेमाने भारावलेली चांदनी जबाबदारी व कर्तव्यासमोर प्रेमाला गौन मानते व प्रेमशी लग्न न करण्याचा निर्णय घेते. चांदनीच्या निर्णयावर प्रेमही आपल्या प्रेमाच्या त्याग करून समर्थन जाहीर करतो. चांदनीच्या संघर्षमय जीवनात तिच्या सुख दु:खात मदत करतो.
भाऊ-बहिनीला त्याच्या पायावर उभे राहण्यासाठी चांदनीला तब्बल 12 वर्षांचा कालावधी लागतो. तरी देखील प्रेम तिची वाट बघतो. एक तरूणी आपल्या कर्तव्यासाठी प्रेमाचा त्याग करून संघर्षमय जीवनातून आपल्या लहान भाऊ व बहिन यांना सक्षम करण्यात यशस्वी होते. स्त्री- पुरूषांच्या नात्याला 'एक विवाह ऐसा भी'मध्ये खूप महत्त्व देण्यात आले आहे
