संबंधित माहिती
- यशस्वी जैस्वालचे द्विशतक, तिसरा सर्वात तरुण भारतीय फलंदाज ठरला
- दक्षिण आफ्रिकेचा माजी अष्टपैलू खेळाडू प्रशिक्षक माइक प्रॉक्टर यांचे वयाच्या 77 व्या वर्षी निधन
- यशस्वी जैस्वाल वीरेंद्र सेहवागच्या क्लबमध्ये सामील
- चेतेश्वर पुजाराने 63 वे प्रथम श्रेणी शतक झळकावले
- Yuvraj Singh: माजी क्रिकेटपटू युवराज सिंगच्या घरी चोरीची मोठी घटना
IND vs ENG: टीम इंडियाचा कसोटीतील सर्वात मोठा विजय,इंग्लंडचा 434 धावांनी पराभव
IND vs ENG: राजकोट येथील तिसऱ्या कसोटी सामन्यात भारताने इंग्लंडचा 434 धावांनी पराभव केला आहे. टीम इंडियाने पहिल्या डावात 445 धावा केल्या होत्या. इंग्लंडचा पहिला डाव 319 धावांवर आटोपला. भारताने दुसऱ्या डावात चार विकेट गमावत 430 धावा केल्या आणि डाव घोषित केला. इंग्लंडला 557 धावांचे लक्ष्य मिळाले होते. प्रत्युत्तरात इंग्लिश डाव 122 धावांवर आटोपला.
तिसऱ्या कसोटीत भारताने इंग्लंडचा 434 धावांनी पराभव केला आहे. राजकोटमध्ये झालेल्या या सामन्यात इंग्लंडला 557धावांचे लक्ष्य मिळाले होते. प्रत्युत्तरात इंग्लंडचा संघ 122 धावांवर गारद झाला. मार्क वुड वगळता इंग्लंडच्या एकाही फलंदाजाला 20 चा आकडाही गाठता आला नाही. वुडने 15 चेंडूत 33 धावा केल्या. त्याचवेळी भारताकडून रवींद्र जडेजाने पाच विकेट घेतल्या. याशिवाय कुलदीपला दोन बळी मिळाले. बुमराह आणि अश्विनला प्रत्येकी एक विकेट मिळाली. पाच सामन्यांच्या कसोटी मालिकेत भारताने 2-1 अशी आघाडी घेतली आहे. हैदराबादमधील पहिली कसोटी इंग्लंडने जिंकली, तर विशाखापट्टणममधील दुसरी कसोटी भारताने जिंकली.
राजकोटमध्ये नाणेफेक जिंकून भारताने प्रथम फलंदाजी करत 445 धावा केल्या. त्याचवेळी इंग्लंडचा पहिला डाव 319 धावांवर संपला. पहिल्या डावाच्या आधारे भारताकडे दुसऱ्या डावात 126 धावांची आघाडी होती. भारताने 4 बाद 430 धावा करून दुसरा डाव घोषित केला. एकूण आघाडी 556 धावांची झाली. 557 धावांच्या लक्ष्याचा पाठलाग करताना इंग्लिश डाव 122 धावांवर आटोपला. मालिकेतील चौथा सामना 23 फेब्रुवारीपासून रांची येथे खेळवला जाणार आहे.
Edited By- Priya Dixit
