धोनी -गंभीर आमने-सामने
कोची टस्कर्सविरुद्ध पराभव पत्करावा लागलेल्या कोलकाता नाईट रायडर्सचा सामना आज गतविजेत्या चेन्नई सुपर किग्जशी होणार आहे. सलग तीन विजय साकारल्यानंतर कोलकाता संघाला गुरुवारी झालेल्या सामन्यात कोचीकडून १७ धावांनी पराभूत व्हावे लागले होते. कोलकाता संघाचे आता केवळ ४ साखळी सामने शिल्लक आहेत. त्यामुळे या सामन्यात कोणतीही चूक करून कोलकाताचा संघ अंतिम चार जणांमधील स्थान धोक्यात आणू इच्छित नाही. त्याचप्रमाणे हा सामना ईडन्स गार्डनवर होत असल्याने घरच्या मैदानावर चेन्नईला हरवण्यासही कोलकात्याचा संघ उत्सुक असेल.
