शेअर बाजारात पडझड सुरूच

रिझर्व्ह बँकेने पतधोरणात कोणतेही बदल न करण्याची घोषणा केल्यानंतर मंगळवार पासून मुंबई शेअर बाजारात सुरू असलेली पडझड आजही कायम होती. आज बीएसईच्या निर्देशांकात 69 अंशांची तर राष्ट्रीय बाजाराच्या निफ्टीत 20 अंशांची घसरण झाली.

रियल्टी, तेल, गॅस, सीजी, आणि आयटी कंपन्यांच्या शेअर्समध्ये चांगली खरेदी झाल्याने बाजाराच्या पडझडीला ब्रेक लागला. परंतु बाजार बंद होईपर्यंत विक्रीचा दबाव बाजारावर दिसून आला.

बीएसईमध्ये 69 अंशांची घसरण झाल्याने बाजार 16283.49 अंशांवर बंद झाला. तर निफ्टीत 20 अंशांची घसरण झाल्याने बाजार 4826.15 अंशांवर बंद झाला.