''रफूचक्कर'' फन ऑन द रन

Download

IFM

IFM

दिग्दर्शक - बी. एच. तरुण कुमार
संगीत - ललित पंडित
कलाकार - असलम खान, नौहीद, युधिष्ठिर, निशा रावल, शक्ती कपूर, सदाशिव अमरापूरकर, अर्चना पूरणसिंह, मीता वशिष्ठ, अनंत महादेवन, टीनू आनंद

जीवनावर प्रेम करा आणि पुरेपूर मजा लुटा, असे सूत्र असणा-या चार पात्रांवर आधारीत 'रफूचक्कर' ची कथा बेतली आहे. पप्पू (असलम खान) आणि मुन्नू (युधिष्ठिर) नावाच्या भावांना पी. एम अशा टोपण नावाने ओळखले जाते. ते श्रीमंत घरातील आहेत.

IFM

IFM

मिली (नोहीद) आणि जुली (निशा रावल) यांना 'एम. जे सिस्टर्स' म्हणून बोलावले जाते. पप्पू आणि मुन्नूसारखेच या बहिणींना लग्नावर विश्वास नाही. जेव्हा त्यांच्यावर लग्नाचा दबाव येऊ लागतो तेव्हा ते घर सोडून पळून जातात.बाहेर पडल्यावर एकेदिवशी अपघाताने पप्पू आणि मुन्नू यांना मिली, जुली भेटतात. दोघेही त्यांच्याकडे आकर्षित होतात आणि त्यांचे मन जिंकण्यासाठी प्रयत्न सुरू होतात. आई-बाबांनी त्यांच्यासाठी याच मुली निवडल्या होत्या हे त्यांना माहीत नसते.

वयाने जास्त असणा-या केके नामक बहिणींनाही पुरुषांचा तिटकारा असल्याने त्या अविवाहित असतात. त्यांनी वयाच्या 45 पर्यंत लग्न केले तरच घरची संपत्ती मिळेल, अन्यथा ही संपत्ती एका ट्रस्टला द्यावी, असे त्यांच्या वडिलांनी मृत्युपत्रात लिहून ठेवलेले असते. या ट्रस्टचे काम दिलखुश (सदाशिव अमरापूरकर) आणि हसमुख (शक्ती कपूर) हे पाहत असतात.

IFM

IFM

45 वर्षे पूर्णं होण्यात केवळ 24 तासांचा अवधी उरतो. संपत्नी मिळवण्यासाठी ते लग्न करण्याचा निर्णय घेतात आणि नवरदेवांचा शोध सुरू होतो. इकडे पी. एम भावांकडील पैसे संपल्याने ते एम. जे बहिणींना आकर्षित करण्यासाठी त्यांना महागडी भेटवस्तू देण्याचा निर्णय घेतात. पण, तेवढेही पैसे नसल्याने ते चोरी करण्याचा निर्णय घेतात. रात्रीच्यावेळी चोरीसाठी ते केके बहिणींच्या घरी शिरतात. या बहिणी कराटे चॅम्पियन आहेत, हे त्यांना माहीत नसते. त्या पी. एम भावांची चांगलीच धुलाई करून त्यांना पकडून ठेवतात आणि लग्नही करून टाकतात.

इकडे एम. जे बहिणीचेही पीएमवर प्रेम जडते. हे चौघेजण एकत्र येऊन केके बहिणींपासून मुकती मिळवण्यासाठी त्यांचा खून करण्याचा निर्णय घेतात आणि येथूनच चित्रपट मजेशीर वळण घेतो. केके बहिणींचा खून होतो? पी. एम व एम. जे एकत्र येतात? के. के बहिणींना संपत्ती मिळते? हे जाणून घेण्यासाठी पाहा 'रफूचक्कर'