Teeth in Marathi, Vegetables in Marathi | दातांच्या आरोग्यावर फळे गुणकारी

Download

दंतवैद्याकडे जाणं कुणालाही आवडत नाही. म्हणूनच बहुतेकदा दाताची दुखणी अंगावरच काढली जातात. अगदीच नाइलाज झाला म्हणजे डेंटिस्टकडे जाणे होते. दातांचे दुखणे नको आणि त्यावर औषधोपचार तर नकोच नको, असे वाटत असेल, तर मुळात हे दुखणेच उद्भवू नये यासाठी काहीतरी करायला हवे. हे काहीतरी करायचे, म्हणजेत चक्क विवधि फळे, भाज्या आणि कडधान्य खायची...

टूथब्रश फूड्स ही संज्ञा हेच सुचवते. टूथब्रश फूड्स ही संज्ञा युरोप आणि अमेरिका या देशांपाठोपाठ आता भारतातही लोकप्रिय होऊ लागलेली आहे. टूथब्रश फूड्स हे प्रत्येकासाठीच सुंदर हास्य आणि आरोग्यदायी जीवनशैली राखण्यासाठी आवश्यक आहे. नैसर्गिक टूथब्रश फूड्ससाठी खालील काही पदार्थांचे आणि फळांचे नियमित सेवन केले पाहिजे.

स्ट्राबेरी

आपले दात स्वच्छ आणि मजबूत राहावेत यासाठी स्ट्रॉबेरी हे एक अत्यंत उपुयक्त फळ आहे. स्ट्रॉबेरीमध्ये असे अनेक गुणधर्म आणि वैशिष्टये आहेत, जे दात स्वच्छकरून त्यांना ब्लीच करण्यास मदत करतात. चहा आणि कॉफीमुळे दातांवर पडलेले डाग स्ट्रॉबेरीमुळे स्वच्छ होतात. जेवणानंतर नियमितपणे थोडीफार स्ट्रॉबेरी खायला हवी. स्ट्रॉबेरीमधील आम्ल दातांना नैसर्गिकरीत्या उजळपणा आणते.

कोबी

कोबी खाताना त्याचे दातांना घर्षण होते. त्यामुळे दात उजळण्यास मदत होते. कोबी हा नैसर्गिक टूथब्रश आहे. कोबी खाताना तोंडात लाळ तयार होते. ती दातांवर जमलेले सूक्ष्मकणही दूर करते.

कलिंगड (तरबूज)

कलिंगडाचे दोन काप दररोज खाल्ल्याने शरीरास जितकी 'क' जीवनसत्वाची गरज असते, त्यातील 25 टक्के व जीवनसत्व यातून मिळते. हे जीवनसत्व दात आणि हिरड्या यांच्या आरोग्यासाठी अत्यंत उपयुक्त असते. लोह अधिक प्रमाणात शोषूण घेण्याची क्षमता या जीवनसत्त्वात असते. त्याचबरोबर शरीरातील घातक रसायनांचाही ते सामना करू शकते. वाढत्या वयानुसार दातांची होणारी झीज रोखण्यासाठीही त्याची मदत होते.

सं‍त्र

संत्र हे 'क' जीवनसत्वाचे उत्तम स्त्रोत आहे. म्हणूनच संत्रीही नियमितपणे आहारात घेतली पाहिजेत. त्यामुळे दातांचे आणि हिरड्यांचे आरोग्य उत्तम राहते. लोह अधिक प्रमाणात शोषले जाते. तसेच 'क' जीवनसत्त्वाचे पदार्थ चघळल्यामुळे दातांचा नाश किंवा र्‍हास रोखला जाऊ शकतो.

सफरचंद

'अ‍ॅन अ‍ॅपल अ डे कीप्स डॉक्टर अवे' अर्थात, दररोज एक सफरचंद खाल्ल्यास डॉक्टरांना स्वत:पासून दूर ठेवणं शक्य होऊ शकते. सफरचंदामुळे दातांचे आयुष्यमान वाढते. सफरचंदाचा रस पिण्यापेक्षा ते चावून खाल्ल्यास दातांचे आणि हिरड्यांचे आरोग्य सुधारते. सफरचंद खाल्ल्यामुळे दात स्वच्छ आणि बळकट होतात. त्याचबरोबर शरीरातील अनावश्यक शर्करादेखील कमी होते.

द्राक्ष

द्राक्षांमध्ये असलेले मॅलिक अॅसिड उत्प्रेरकांसारखे कार्य करते. त्यामुळे दात पांढरे शुभ्र होतात अन् दातांवरील डाग कमी होतात. जेवणानंतर पाणी प्यायल्यामुळे किंवा चूळ भरल्यामुळे दातांत अडकलेले कण निघून जाण्यास मदत होते.

हिरव्या भाज्या

गडद हिरव्या रंगाच्या भाज्या खाल्ल्यामुळे शरीरास रास बेटा केरोटिन मोठ्या प्रमाणावर मिळते. त्यामुळे मिळालेले 'अ' जीवनसत्व आपल्या शरीराला आणि दातांना बळकटी आणते.

दुग्धजन्य पदार्थ