शुक्रवार, 29 मार्च 2024
  1. मराठी बातम्या
  2. क्रिकेट मराठी
  3. आयपीएल 2022
Written By
Last Modified: सोमवार, 11 एप्रिल 2022 (23:30 IST)

SRH vs GT : हैदराबादने गुजरातचा आठ गडी राखून पराभव केला, सलग दुसरा विजय मिळवला

हार्दिक पंड्याच्या नेतृत्वाखालील गुजरात टायटन्स आणि केन विल्यमसनच्या सनरायझर्स हैदराबाद यांच्यातील आयपीएल 2022 चा 21 वा सामना मुंबईतील डीवाय पाटील स्टेडियमवर खेळला गेला. या सामन्यात सनरायझर्स हैदराबादने शानदार विजयाची नोंद करत गुजरात टायटन्सचा विजय रथ रोखला. आयपीएलच्या या हंगामातील गुजरातचा हा पहिलाच पराभव आहे, तर हैदराबादने दुसरा सामना जिंकला आहे. या सामन्यात हैदराबादने गुजरातचा 8 विकेटने पराभव केला.
 
केन विल्यमसनने नाणेफेक जिंकून प्रथम गोलंदाजी करण्याचा निर्णय घेतला. कर्णधार हार्दिक पांड्याच्या अर्धशतकाच्या जोरावर गुजरातने प्रथम फलंदाजी करताना हैदराबादसमोर विजयासाठी 163 धावांचे लक्ष्य ठेवले होते. प्रत्युत्तरात सनरायझर्स हैदराबादची फलंदाजी उत्कृष्ट होती. हैदराबादचा कर्णधार केन विल्यमसननेही अर्धशतक झळकावले आणि संघाने 19.1 षटकांत 2 गडी गमावून लक्ष्य गाठले. हैदराबादने 8 गडी राखून विजय मिळवला. निकोलस पूरनने 18 चेंडूत 2 चौकार आणि 2 षटकारांसह 34 धावा केल्या.
 
सनरायझर्स हैदराबादने गुजरात टायटन्सचा आठ गडी राखून पराभव केला. हैदराबादचा हंगामातील हा सलग दुसरा विजय आहे, तर गुजरातला पहिल्या पराभवाला सामोरे जावे लागले आहे. IPL 2022 च्या 21 व्या सामन्यात हैदराबादने गुजरातचे 163 धावांचे लक्ष्य दोन गडी गमावून पूर्ण केले. केन विल्यमसनने शानदार फलंदाजी करताना मोसमातील पहिले अर्धशतक झळकावले.