परतलेले बटाटे

ND

साहित्य : बटाटे, लोणी किंवा तूप, धने-जिरे पूड, मिरपूड, तिखट, मीठ, डाळीचे पीठ, कोथिंबीर.

कृती : शक्य तितके लहान आकाराचे बटाटे घ्यावेत. बटाटे स्वच्छ धुऊन, खरखरीत जाड्याभरड्या कापडावर चोळावेत, म्हणजे साले निघून जातील. बटाटे बुडतील, इतके पाणी घेऊन त्यात चमचाभर मीठ घालून, त्यात बटाटे घालावेत व अर्धवट शिजवून घ्यावेत. कढईत लोणी किंवा तूप टाकून, ते गरम झाले म्हणजे त्यावर बटाटे टाकावेत व तांबूस रंगावर परतून घ्यावेत. या बटाट्यांना नंतर डाळीचे पीठ एक चमचा, धने, जिरे पूड, मिरपूड घालून दोन-तीन मिनिटे परतावेत. बटाट्यांवर कोथिंबीर घालून खावयास द्यावे.