संबंधित माहिती
- 2,700 कोटी रुपयांच्या 'नमामी गोदावरी' प्रकल्पाला सरकारने हिरवा कंदील दाखवला
- मुंबईतील फिल्म सिटीसाठी प्राइम फोकस चा 3,000 कोटी रुपयांची गुंतवणूक करण्याचा महाराष्ट्र सरकार सोबत करार
- महाराष्ट्र सरकार प्रशासकीय सुधारणा, महिला आणि बालविकास विभागात प्रथम क्रमांकावर
- महाराष्ट्र दिनाशी संबंधित तथ्ये, नक्की वाचा
- मिशन भिकारीमुक्त महाराष्ट्र,करण्यासाठी मंत्रिमंडळ बैठकीत निर्णयाला मंजुरी
मुंबईत पाणीकपात केली जाणार नाही,बीएमसीची घोषणा
उन्हाळा सुरू होताच पाणी टंचाई सुरू होते. महाराष्ट्रात अनेक ठिकाणी दुष्काळी परिस्थिती निर्माण होते. मोठ्या शहरांमध्येही पाण्याची टंचाई सुरू होते. या सगळ्यामध्ये, आज महाराष्ट्राची राजधानी मुंबईतील रहिवाशांसाठी एक आनंदाची बातमी आली आहे. येथील लोकांना सध्या पाण्याच्या समस्येचा सामना करावा लागणार नाही.
मुंबईतील जलाशयांमध्ये फक्त 22.66 टक्के पाणीसाठा शिल्लक असला तरी, सध्या मुंबईत पाणीकपात केली जाणार नाही, असे बृहन्मुंबई महानगरपालिकेने (बीएमसी) सोमवारी सांगितले. बीएमसीने जारी केलेल्या एका प्रसिद्धीपत्रकात म्हटले आहे की, देशाच्या आर्थिक राजधानीला पाणीपुरवठा करणाऱ्या सात जलाशयांमधील विद्यमान साठा जुलै अखेरपर्यंत चालविण्यासाठी योजना आखण्यात आल्या आहेत.
महाराष्ट्र सरकारने भातसा आणि अप्पर वैतरणा जलाशयांमध्ये उपलब्ध असलेल्या 'आणीबाणीच्या साठ्यातून' मुंबईला अतिरिक्त पाणी सोडण्यास मान्यता दिली आहे. बीएमसी आयुक्त भूषण गगराणी यांनी पाणीपुरवठ्याबाबत घेतलेल्या आढावा बैठकीनंतर जारी केलेल्या निवेदनात असे म्हटले आहे की, आता पाणीकपातीची आवश्यकता नाही.
भविष्यात पाणीकपातीबाबत कोणताही निर्णय भारतीय हवामान विभाग (IMD) शी समन्वय साधून घेतला जाईल, असेही बीएमसीने म्हटले आहे. यासोबतच, बीएमसीने नागरिकांना पाण्याचा वापर काटकसरीने करण्याचे आवाहनही केले आहे.
Edited By - Priya Dixit
