जळगाव रेल्वे अपघातात 4 परदेशी नागरिकांचाही मृत्यू, ते या देशाचे नागरिक होते

Publish: Thu, 23 Jan 2025 (21:42 IST) Updated: Thu, 23 Jan 2025 (21:46 IST)

Jalgaon train accident news: महाराष्ट्रातील जळगाव येथे लखनऊ-मुंबई पुष्पक एक्सप्रेस रेल्वे अपघातात 13 जणांचा मृत्यू झाला आहे.  यापैकी 4 लोक इतर देशांचे नागरिक असल्याचे आढळून आले आहे.

महाराष्ट्रातील जळगाव येथे बुधवारी एक भीषण रेल्वे अपघात झाला. पुष्पक एक्सप्रेसमध्ये आग लागल्याच्या अफवांनंतर, अनेक प्रवाशांनी रेल्वेतून रुळांवर उड्या मारल्या आणि दुसऱ्या बाजूने येणाऱ्या कर्नाटक एक्सप्रेसने त्यांना चिरडले. या अपघातात आतापर्यंत 13 जणांचा मृत्यू झाला आहे आणि अनेक जखमींवर उपचार सुरू आहे. त्याचवेळी, आता अशी माहिती समोर आली आहे की या रेल्वे अपघातात मृत्युमुखी पडलेल्या 13 जणांपैकी 4 जण नेपाळचे नागरिक आहे.अपघाताच्या एका दिवसानंतर गुरुवारी, अधिकाऱ्यांनी माहिती दिली की जळगाव रेल्वे अपघातात मृत्युमुखी पडलेल्या 13 जणांपैकी चार जण नेपाळचे नागरिक असल्याचे निष्पन्न झाले आहे. मृतांमध्ये एक मुलगा आणि दोन महिलांचा समावेश आहे. अधिकाऱ्यांनी सांगितले की, आतापर्यंत 13 पैकी आठ मृतदेहांची ओळख पटली आहे. यापैकी दोन मृतांची ओळख त्यांच्या आधार कार्डवरून पटली आहे. जळगाव जिल्हा माहिती अधिकाऱ्यांनी सांगितले आहे की, मृत्युमुखी पडलेल्या आठ जणांपैकी चार जण नेपाळचे होते.

Edited By- Dhanashri Naik