विहिरीचा कठडा तुटला अनर्थ झाला तिघांचा मृत्यू तर अनेक अडकले
मुंबई येथील विलेपार्ले परिसरातील धार्मिक कार्यक्रमासाठी महिला रुईया बंगलो, दीक्षित रोड, सॅटेलाईट हॉटेलजवळ एकत्र आल्या होत्या. मात्र, या ठिकाणी पूजेचा कार्यक्रम सुरु असताना विहिरीचा कठडा तुटून विहिरीत काही महिला व मुले पडली. अचानक झालेल्या या प्रकाराने एकाच गोंधळ उडाला होता. लगेच अग्निशमन दलाचे जवान आणि पोलीस घटनास्थळी पोचले आणि विहिरीत पडलेल्यांना बाहेर काढले. जखमींना व्ही. एन. देसाई हॉस्पिटलमध्ये उपचारासाठी दाखल केल असून, दुर्घटनेत तीन जणांचा मृत्यू झाला. माधवी पांडे (वय - ४९), रेणू यादव (वय २०) आणि ३ वर्षीय दिव्या अशी मृतांची नावं आहेत. सध्या घटनास्थळी रात्री उशीर पर्यंत बचाव सुरु होते. याबाबत विलेपार्ले पोलीस ठाण्यात अपघाती मृत्यूची नोंद केली आहे. या प्रकरणात महिला विलेपार्ले येथील रुईया बंगलो जवळील विहिरीवर असलेल्या लोखंडी जाळीवर बसून पूजा करत असताना ही दुर्दैवी घटना घडली आहे. या दुर्घटनेत सात महिलांना वाचविण्यात यश आलं असून अजून काही महिला अडकल्या असल्याची शक्यता वर्तवली जात आहे. मृत्नाचा आकडा वाढण्याची शक्यता आहे.
