संबंधित माहिती
- Shani Dev Temple जागृत शनिदेव मंदिर श्री क्षेत्र शनि शिंगणापूर
- Patit Pavan Mandir अस्पृश्यांना प्रवेश देणारे भारतातले पहिले पतितपावन मंदिराबद्दल संपूर्ण माहिती
- औंढा नागनाथ ज्योतिर्लिंग Aundha Nagnath Jyotirlinga
- Shani Dev Temple चमत्कारी शनिदेव मंदिर खरसाली उत्तराखंड
- Shani Temples चमत्कारी सहा मंदिर जिथे शनिदेव प्रत्यक्ष उपस्थित असतात
महाभारतातील दुर्योधनाचे मंदिर कुठे आहे? जिथे त्याच्या गदेची पूजा केली जाते
India Tourism : महाभारतातील सर्वात मोठा खलनायक दुर्योधनाबद्दल आपल्या सर्वांना माहिती आहे. दुर्योधनाच्या क्रोध आणि अहंकारामुळे कौरव आणि पांडवांमध्ये युद्ध झाले ज्यामध्ये अनेक योद्धे मारले गेले. तुम्हाला हे जाणून आश्चर्य वाटेल की केरळमध्ये दुर्योधनाचे एक भव्य आणि विशाल मंदिर आहे, जिथे त्याच्या गदेची पूजा केली जाते.
दुर्योधनाचे मंदिर कुठे आहे?
केरळमधील कोल्लम जिल्ह्यात दुर्योधनाचे विशाल आणि अद्वितीय मंदिर आहे. दुर्योधनाच्या या मंदिराचे नाव पोरुवाझी पेरुविरुथी मालनदा आहे. येथे दुर्योधनाच्या मूर्तीऐवजी त्याचे आवडते शस्त्र, गदा, याची पूजा केली जाते. तसेच गावातील लोक दुर्योधनाला अप्पुपा, म्हणजे आजोबा, असे नाव देऊन आदर देतात. येथील स्थानिक लोक दुर्योधनाला रक्षक आणि परोपकारी देव म्हणून पूजतात. या मंदिरात दुर्योधनाला ताडी म्हणजे एक प्रकारची दारू अर्पण केली जाते. असे केल्याने भगवान दुर्योधन प्रसन्न होतात आणि भक्तांच्या प्रत्येक इच्छा पूर्ण करतात असे मानले जाते. दुर्योधनाचे हे मंदिर पाहण्यासाठी लोक दूरदूरून येथे येतात.
ALSO READ: श्री विठ्ठल मंदिर हंपी कर्नाटक
इतिहास
पौराणिक आख्यायिकेनुसार, द्वापर युगात एकदा दुर्योधन या ठिकाणाहून जात होता, त्याला तहान लागली होती पण त्यावेळी त्याला जवळपास कुठेही पाणी सापडले नाही. दुर्योधनाने इथे एक दलित स्त्री पाहिली, तिच्याकडे ताडी होती. त्या महिलेने ती ताडी दुर्योधनाला प्यायला दिली. प्रसन्न होऊन दुर्योधनाने त्या महिलेला आशीर्वाद दिला आणि गावातील काही जमीनही तिला दान केली. नंतर गावकऱ्यांनी त्याच जमिनीवर दुर्योधनाचे मंदिर बांधले.
