हैदराबाद पोलिसांनी वेश्याव्यवसाय करणार्या एका रॅकेटचा पर्दाफाश केला असून, यात तेलुगू चित्रपट अभिनेत्री सायरा बानू आणि ज्योती यांच्यासह अन्य सात महिला आणि काही त्यांच्या ग्राहकांचाही समावेश आहे.याप्रकरणात अटक करण्यात आलेल्या इतर लोकांची नावे पोलिसांनी अद्याप उघड केली नाही. या प्रकरणात काही प्रसिद्ध व्यक्तींचाही समावेश असल्याची शक्यता व्यक्त होत आहे.सायराने अनेक तेलुगू चित्रपटांमध्ये मुख्य नायिकेची भूमिका केली आहे, तर ज्योतीने सहनायिकेच्या भूमिका साकारल्या आहेत. हैदराबाद शहरातील उच्चभू्र कुंदन बाग वस्तीत एका उझबेकिस्तानच्या महिलेसह नऊ जणी आणि त्यांच्या ग्राहकांना अटक करण्यात आली आहे. कुंदन बाग भागात मंत्री आणि व्हीआयपी लोकांची निवासस्थाने असून, येथे २४ तास कडा पहारा असतो. या ठिकाणी वेश्याव्यवसाय चालत असल्याची माहिती मिळाल्यानंतर शहर पोलिस आयुक्तांच्या विशेष पथकाने या ठिकाणी आज पहाटे धाड टाकली. वेश्या व्यवसायप्रकरणी तेलुगू अभिनेत्रीला अटक करण्यात आल्याची ही पहिली वेळ नसून, २००९ मध्ये सीमा नावाच्या एका अभिनेत्रीला शहरातील तरणाका भागातून अटक करण्यात आली होती. दरम्यान, एका नायजेरियन नागरिकाकडून अमली पदार्थ खरेदी केल्याप्रकरणी तेलुगू अभिनेता रवी तेजाच्या दोन भावांना अटक होण्याची शक्यता निर्माण झाली आहे.
