Ahmedabad plane crash गुजराती चित्रपट निर्माते महेश जिरावाला बेपत्ता

अमहाबाद विमान अपघाताने संपूर्ण देश हादरून गेला आहे. १२ जून रोजी, अहमदाबादहून लंडनला उड्डाण केल्यानंतर काही मिनिटांतच एअर इंडियाचे विमान अपघातात एका निवासी भागात कोसळले. या अपघातात अनेक लोकांचा मृत्यू झाला.

या भीषण अपघातातील मृतांची डीएनएद्वारे ओळख पटवली जात आहे. गुजराती चित्रपट निर्माते महेश कलावाडिया, ज्याला महेश जिरावाला म्हणूनही ओळखले जाते, ते देखील अहमदाबाद विमान अपघातानंतर बेपत्ता आहे. त्यांचे शेवटचे ठिकाण विमान अपघातस्थळापासून फक्त ७०० मीटर अंतरावर होते. महेशची पत्नी हेलत यांनी अशी भीती व्यक्त केली आहे की विमान अपघातादरम्यान रस्त्यावर मृत्युमुखी पडलेल्यांमध्ये तोही असू शकतो. तिने तिच्या पतीचा शोध घेण्यासाठी डीएनए नमुने देखील दिले आहे. पोलीस महेशचा सतत शोध घेत आहे आणि त्याचा डीएनए देखील टीमला देण्यात आला आहे.

तसेच महेशच्या पत्नीने सांगितले की १२ जून रोजी तो अहमदाबादमधील लॉ गार्डन येथे एका बैठकीला गेला होता. दुपारी १:१४ वाजता त्याने सांगितले की बैठक संपली आहे आणि तो घरी परतत आहे. बराच वेळ तो परत आला नाही तेव्हा त्याच्या पत्नीने त्याला फोन केला. पण त्याचा नंबर बंद होता. हेतलने सांगितले की महेश सहसा अपघात झालेल्या मार्गावरून येत नसे. पण त्या दिवशी त्याचे शेवटचे ठिकाण विमान अपघाताच्या ठिकाणापासून फक्त ७०० मीटर अंतरावर होते. घटनास्थळी अनेक वाहने जळून खाक झाली होती आणि काही लोक गंभीरपणे भाजले होते. त्यामुळे त्यांची ओळख पटवणे कठीण झाले होते. अशा परिस्थितीत, कुटुंबाला भीती आहे की महेश देखील या अपघाताचा बळी ठरला असावा.

Edited By- Dhanashri Naik