संबंधित माहिती
- Sridevi Birth Anniversary: श्रीदेवीला बॉलीवूडचे लेडी अमिताभ मानायचे , हिरोपेक्षा जास्त मानधन घ्यायची
- VD 18: अॅटलीच्या 'VD 18' चित्रपटाच्या सेटवर वरुण धवनला दुखापत
- अभिनेत्री अंकिता लोखंडे यांच्या वडिलांचे निधन
- एअरपोर्टवर सेल्फी घेताना चाहत्यावर संतापला Sunny Deol
- Sara Ali Khan Birthday हॅप्पी बर्थडे सारा अली खान
Ankita Lokhande: अंकिता लोखंडेचे वडील शशिकांत लोखंडे यांचे निधन
अंकिता लोखंडेचे वडील शशिकांत लोखंडे यांचे शनिवारी (12 ऑगस्ट) निधन झाले. ते अनेक महिन्यांपासून आजारी होते. ते 68 वर्षांचे होते. सध्या तरी त्यांच्या मृत्यूचे कारण समजू शकलेले नाही. मिळालेल्या माहितीनुसार, 13 ऑगस्ट रोजी सकाळी 11 वाजता ओशिवरा स्मशानभूमीत त्यांच्या पार्थिवावर अंत्यसंस्कार झाले आहेत. वडिलांच्या अंत्यसंस्कारात अंकिता तिच्या आईची काळजी घेताना दिसली.अंकिताने वडिलांच्या पार्थिवाला खांदा दिला.
अंकिता तिच्या वडिलांच्या खूप जवळ होती. ती अनेकदा वडिलांसोबतचे फोटो आणि व्हिडिओ सोशल मीडियावर शेअर करत असे. रिपोर्ट्सनुसार, अंकिताला तिच्या वडिलांच्या निधनाचा मोठा धक्का बसला आहे. रडून अभिनेत्रीची प्रकृती बिघडल्याचे सांगण्यात येत आहे. अंकिताचे कुटुंब मध्य प्रदेशातील इंदूरचे आहे. त्यांचे वडील व्यवसायाने बँकर होते.
अंकिताने तिच्या करिअरची सुरुवात छोट्या पडद्यापासून केली होती. एकता कपूरने तिला पवित्र रिश्ता या मालिकेत पहिली संधी दिली. या शोमुळे ती घराघरात प्रसिद्ध झाली. या शोमधील अर्चना नावाची व्यक्तिरेखा लोकांना खूप आवडली होती. अंकिताने टीव्हीशिवाय अनेक चित्रपटांचाही भाग केला आहे. कंगना राणौतच्या मणिकर्णिका या चित्रपटातही ती दिसली आहे.
Edited by - Priya Dixit
