Javed khan : लगान मधील राम सिंग यांचे निधन

चित्रपटांसोबतच जावेद खान अमरोही यांनी अनेक हिंदी मालिकांमध्ये काम केले आहे. मिर्झा गालिब,कुछ भी हो सक्ता है, नुक्कड या मालिकांमध्ये त्यांनी महत्त्वाची भूमिका साकारली आहे. त्यांच्या विनोदाच्या शैलीमुळे प्रेक्षकांचे लक्ष त्यांच्याकडे वळले. त्यांनी फक्त विनोदीच नव्हे तर अनेक प्रकारच्या भूमिका साकारलेल्या आहेत. चक दे इंडियामधील त्यांची भूमिका खास गाजली होती. मिळालेल्या माहितीनुसार, गेल्या काही दिवसांपासून त्यांना श्वास घेण्यास त्रास होत होता. ते मागील १ वर्षांपासून आजारी होते. सांताक्रूझ येथील सूर्य नर्सिंग होममध्ये त्यांनी अखेरचा श्वास घेतला. अभिनेते अखिलेश मिश्रा यांनी सोशल मीडियावर पोस्ट शेअर करुन जावेद खान अमरोही यांना श्रद्धांजली वाहिली.
Edited by : Ratnadeep Ranshoor