Madhuri Dixit ला Doordarshan ने केले होते रिजेक्ट

साधारण 1984 सालची गोष्ट आहे. दिग्दर्शक अनिल तेजानी यांनी दूरदर्शनसाठी टीव्ही शो केला. शोचे नाव होते- 'बॉम्बे मेरी है'. या मालिकेत माधुरी दीक्षित मुख्य भूमिकेत होती आणि तिच्यासोबत तत्कालीन सुप्रसिद्ध अभिनेता बेंजामिन गिलानी होता. या शोमधून माधुरी अभिनय क्षेत्रात पदार्पण करणार होती. या मालिकेत मजहर खानही होता.

शोचा पहिला एपिसोड तयार करून दूरदर्शनला पाठवण्यात आला तेव्हा त्यांच्याकडून सांगण्यात आले की कथा ठीक आहे, पण त्याच्या स्टार कास्टमध्वा काही दम नाही. . दूरदर्शनवरून नकार दिल्यानंतर अनिल तेजानी यांनी ती मालिका पूर्ण केली नाही.

ही मालिका नाकारल्यानंतर माधुरी दीक्षितने राजश्री प्रॉडक्शनच्या 'अबोध' (1984) चित्रपटातून अभिनय क्षेत्रात पदार्पण केले. मात्र, 1988 मध्ये आलेल्या 'तेजाब' या सुपरहिट चित्रपटातून त्यांना ओळख मिळाली. यासाठी त्यांच्या नावाची फिल्मफेअर सर्वोत्कृष्ट अभिनेत्री पुरस्कारासाठी शिफारस करण्यात आली होती.

माधुरी दीक्षितने बॉलिवूडला 'तेजाब', 'राम लखन', 'प्रेम प्रतिज्ञा', 'दिल', 'साजन', '100 डेज', 'बेटा', 'खलनायक', 'हम आपके है कौन', 'राजा', 'दिल तो पागल है', 'पुकार' आणि 'देवदास' सारखे अनेक हिट चित्रपट दिले आहेत.