३७ वर्षीय प्रसिद्ध चिनी अभिनेता यू मेंगलोंग यांचे निधन

बातमीनुसार, मेंगलोंग यांच्या पथकाने लिहिले आहे की, "आम्हाला हे सांगावे लागत आहे की आमच्या प्रिय मेंगलोंग यांचे ११ सप्टेंबर रोजी इमारतीवरून पडून निधन झाले. पोलिसांनी कोणताही गुन्हा नाकारला आहे. आम्हाला आशा आहे की त्यांच्या आत्म्याला शांती लाभो आणि त्यांचे कुटुंब मजबूत राहो."

यू मेंगलोंग यांच्या अचानक निधनाने इंडस्ट्रीत शोककळा पसरली आहे. ३७ वर्षांच्या तरुण वयात त्यांनी चाहत्यांमध्ये एक जबरदस्त ओळख निर्माण केली होती. मेंगलोंग यांना २०१३ मध्ये 'सुपर बॉय' या चिनी गायन रिअॅलिटी शोमध्ये भाग घेऊन पहिल्यांदा लोकप्रियता मिळाली. त्यानंतर ते अभिनयाकडे वळले. मेंगलॉन्गने 'गो प्रिन्सेस गो' या वेब सिरीजमध्ये महत्त्वाची भूमिका साकारली होती, ज्यामुळे त्याची लोकप्रियता आणखी वाढली.

Edited By- Dhanashri Naik