कुंभ व्हायरल गर्ल हिला चित्रपट ऑफर करणाऱ्या दिग्दर्शकाला बलात्कार प्रकरणात अटक

Director arrested : महाकुंभ मेळ्यात व्हायरल झालेल्या कुंभ व्हायरल गर्लला चित्रपटात काम देण्याचे आश्वासन देणारे चित्रपट दिग्दर्शक सनोज मिश्रा यांना दिल्ली उच्च न्यायालयाने जामीन फेटाळल्यानंतर अटक करण्यात आली आहे. त्याला बलात्काराच्या प्रकरणात अटक करण्यात आली आहे.

मिळालेल्या माहितीनुसार सनोज मिश्रावर एका लहान शहरातून आलेल्या आणि चित्रपट उद्योगात करिअर करण्याचा निर्धार करणाऱ्या मुलीशी वारंवार लैंगिक संबंध ठेवल्याचा आरोप आहे. तसेच महाकुंभ मेळ्यात मणी विकताना सोशल मीडियावर व्हायरल झालेल्या कुंभ व्हायरल गर्लला दिग्दर्शक सनोज मिश्रा त्यांच्या पुढच्या चित्रपट 'द डायरी ऑफ २०२५' मध्ये तिला कास्ट करणार असल्याची बातमी मिळाली होती. यासोबतच, असेही म्हटले जात होते की सनोज मिश्रा कुंभ व्हायरल गर्ल अभिनयाचे प्रशिक्षण देत होते आणि तो तिला अनेक ठिकाणी घेऊन जात होता. अलिकडेच कुंभ व्हायरल गर्ल सनोज मिश्रासोबत विमानात दिसली होती. यानंतर खूप चर्चा सुरु होत्या. 

तसेच आता सनोज मिश्राच्या अटकेमुळे चित्रपटसृष्टीत अनेक प्रश्न निर्माण झाले आहे आणि त्यामुळे कुंभ व्हायरल गर्लची कहाणी आणखी चर्चेत आली आहे.

Edited By- Dhanashri Naik