शुक्रवार, 29 मार्च 2024
  1. मनोरंजन
  2. बॉलीवूड
  3. सिनेगप्पा
Written By
Last Modified: सोमवार, 5 सप्टेंबर 2022 (19:28 IST)

Kisi Ka Bhai Kisi Ki Jaan: सलमान खानच्या चित्रपटाचा दमदार टीझर रिलीज

सलमान खान नेहमीच कोणत्या ना कोणत्या कारणाने चर्चेत असतात. अलीकडेच अभिनेत्याने त्याच्या आगामी 'किसी का भाई किसी की जान' या चित्रपटाचा फर्स्ट लूक शेअर केला आहे. चित्रातील अभिनेत्याचा लूक एकदम बदलला होता. आता सलमान खानच्या 'किसी का भाई किसी की जान' या चित्रपटाचा टीझर रिलीज झाला आहे. यामध्ये सलमान खानची स्टाईल चाहत्यांच्या पसंतीस उतरली आहे. सलमानचा असा अवतार तुम्ही याआधी कधीच पाहिला नसेल. व्हिडिओमध्ये अभिनेत्याचा स्वॅग पाहायला मिळत आहे. 
 
चित्रपटसृष्टीत 34 वर्षे पूर्ण झाल्याबद्दल अभिनेत्याने 'किसी का भाई किसी की जान' या चित्रपटाची घोषणा केली होती. मग त्याने त्याची छोटीशी झलक दाखवली. यानंतर अवघ्या 10 दिवसांनी सलमानने अधिकृत अकाऊंटवरून चित्रपटाचा छोटा टीझर व्हिडिओ रिलीज केला आहे. या व्हिडिओमध्ये सलमान लडाखमध्ये फिरताना एका व्हिडिओमध्ये दिसत आहे. व्हिडिओमध्ये तुम्ही पाहू शकता की, त्याने आपले केस लांब ठेवले आहेत आणि डोळ्यांना चष्मा लावला आहे.
 
अभिनेत्याने हा व्हिडिओ त्याच्या इंस्टाग्राम अकाउंटवरही शेअर केला आहे. वाळवंटात बाईक चालवत असलेल्या सलमानच्या पार्श्वभूमीवर गोळ्यांचा आवाजही ऐकू येतो. हा व्हिडीओ समोर येताच इंटरनेटवर खळबळ उडाली आहे. सलमान खानचा हा नवा अवतार चाहत्यांना खूप आवडला आहे. सलमान खानची आवडती शहनाज गिल या चित्रपटाद्वारे बॉलिवूडमध्ये पदार्पण करत आहे. 
 
या चित्रपटात सलमान खान आणि शहनाज गिल व्यतिरिक्त पूजा हेगडे, दग्गुबती व्यंकटेश, जस्सी गिल, पलक तिवारी, सिद्धार्थ निगम, राघव जुयाल आणि विनाली भटनागर देखील दिसणार आहेत. या चित्रपटाचे आधी नाव कभी ईद कभी दिवाळी असे होते, मात्र नंतर त्याचे शीर्षक बदलून किसी की भाई किसी की जान असे करण्यात आले.