Ahmedabad plane crash चित्रपट निर्मात्याचा मृत्यू झाल्याची पुष्टी, डीएनए अहवालातून उघड

गुजराती चित्रपट निर्माते ​​महेश जिरावाला यांचा एअर इंडिया विमान अपघातात मृत्यू झाल्याची पुष्टी झाली आहे. डीएनए चाचणीनंतर त्यांची ओळख पटवण्यात आली, त्यानंतर त्यांच्या मृत्यूची अधिकृतपणे पुष्टी करण्यात आली.

१२ जून रोजी अहमदाबादमध्ये झालेल्या भीषण विमान अपघातात अनेकांना आपला जीव गमवावा लागला, त्यापैकी एक गुजराती चित्रपट निर्माते  महेश जिरावाला होते. या अपघातात केवळ विमानात बसलेल्या प्रवाशांनाच नव्हे तर अपघातस्थळाजवळ उपस्थित असलेल्या अनेक लोकांनाही आपला जीव गमवावा लागला. जेव्हा हे विमान कोसळले तेव्हा चित्रपट निर्माते महेश जिरावाला देखील अपघातस्थळाजवळ उपस्थित होते. अपघातस्थळाजवळून त्यांची जळालेली स्कूटर आणि मोबाईल सापडला, त्यानंतर आता त्यांच्या मृत्यूची अधिकृतपणे पुष्टी झाली आहे.

तसेच एअर इंडिया विमान अपघातात महेश जिरावाला यांचा मृत्यू झाल्याची पुष्टी झाली

महेश जिरावाला अपघातापासून बेपत्ता होते. आता डीएनए चाचणीनंतर त्यांच्या मृत्यूची पुष्टी झाली आहे आणि त्यांचा मृतदेह कुटुंबाकडे सोपवण्यात आला आहे.  

Edited By- Dhanashri Naik