"मस्ती ४" फेम रुही सिंगच्या नावावर "अश्लील" व्हॉट्सअॅप मेसेज; अभिनेत्रीने एफआयआर दाखल केला

रुही सिंगने या फसवणुकीबद्दल चाहत्यांना सावध केले आहे आणि पोलिस तक्रार दाखल केली आहे. रुही सिंगने तिच्या इंस्टाग्राम हँडलवर स्क्रीनशॉट देखील शेअर केले आहेत, ज्यामध्ये एक अज्ञात नंबर तिचा फोटो वापरून लोकांशी "अश्लील" गोष्टींबद्दल चॅट करत आहे.

ती व्यक्ती केवळ अपशब्द वापरत नव्हती तर रूही असल्याचे भासवून लोकांना जाळ्यात अडकवण्याचा प्रयत्न करत होती. अभिनेत्रीने ताबडतोब कारवाई केली आणि चाहत्यांना इशारा देत म्हटले की, "ही मी नाही. कृपया हा नंबर ब्लॉक करा आणि रिपोर्ट करा."

रुहीने गुन्हेगाराला पकडण्यासाठी मुंबई पोलिस आणि सायबर सेलकडे तक्रार दाखल केली आहे. 

रुही सिंग कोण आहे?

रुही सिंग ही एक मॉडेल, अभिनेत्री आणि सौंदर्य स्पर्धा विजेती आहे. राजस्थानमधील जयपूर येथे जन्मलेल्या रुहीने तिच्या कारकिर्दीला मॉडेल म्हणून सुरुवात केली. २०११ मध्ये तिने फेमिना मिस इंडिया ईस्ट स्पर्धेत भाग घेतला आणि ती पहिली उपविजेती ठरली. २०१४ मध्ये तिने मिस युनिव्हर्सल पीस अँड ह्युमॅनिटीचा किताब जिंकून देशाचे नाव उंचावले.

रुही सिंगने २०१५ मध्ये मधुर भांडारकर यांच्या "कॅलेंडर गर्ल्स" या चित्रपटातून बॉलिवूडमध्ये पदार्पण केले. त्यानंतर ती रितेश देशमुख आणि विवेक ओबेरॉय यांच्यासोबत "इश्क फॉरएव्हर" आणि मल्टी-स्टारर "मस्ती ४" मध्ये दिसली. रुही "चक्रव्यूह" आणि "रनअवे लुगाई" सारख्या वेब सिरीजमध्येही दिसली आहे.

Edited By- Dhanashri Naik