गुरूवार, 28 मार्च 2024
  1. मनोरंजन
  2. बॉलीवूड
  3. सिनेगप्पा
Written By
Last Modified: बुधवार, 29 जून 2022 (14:16 IST)

साऊथ अभिनेत्रीवर दुःखाचा डोंगर,अभिनेत्रींच्या पतीचे निधन

MEENA
साऊथची अभिनेत्री मीनाचे पती विद्यासागर यांच्या निधनाची बातमी समोर येत आहे. वृत्तानुसार, मीना यांचे पती विद्यासागर हे अनेक दिवसांपासून फुफ्फुसाच्या आजाराशी झुंज देत होते. त्याचवेळी, कोरोनाच्या विळख्यात अडकून त्यांची प्रकृती ढासळली आणि बुधवारी सकाळी त्यांचा मृत्यू झाला.
 
साऊथ इंडस्ट्रीतील अभिनेता सरथकुमारने ट्विट करून साऊथ इंडस्ट्रीतील सुप्रसिद्ध अभिनेत्री मीना यांच्या आयुष्यात दुःखाचा डोंगर कोसळल्याची माहिती दिली आहे. त्यांच्या पतीने आज अखेरचा श्वास घेतला. साऊथ इंडस्ट्रीतील अभिनेता सरथकुमारने ट्विट करून ही माहिती दिली आहे. खरं तर, सरथकुमार यांनी त्यांच्या अधिकृत ट्विटर अकाऊंटवर विद्यासागर यांच्या निधनाबद्दल शोक व्यक्त केला आहे, ज्यामध्ये त्यांनी त्यांच्या कुटुंबाप्रती सहानुभूतीही व्यक्त केली आहे. ही बातमी ऐकून अभिनेत्रीच्या चाहत्यांनाही धक्का बसला आहे.
 
मीनाचे पती विद्यासागर गेल्या अनेक महिन्यांपासून फुफ्फुसाच्या गंभीर आजाराने त्रस्त होते. बराच काळ उपचार करूनही ते बरे होऊ शकले नाही. यादरम्यान त्यांना कोरोनाची लागण झाली, त्यानंतर त्यांची प्रकृती हळूहळू ढासळत गेली. मीना दक्षिणेतील सर्वात महागड्या अभिनेत्रींपैकी एक आहे. त्यांनी केवळ तामिळ चित्रपटातच नाही तर अनेक भाषांमधील चित्रपटांमध्ये काम केले आहे.
 
दीर्घकाळ साऊथ इंडस्ट्रीत सक्रिय राहून आणि अभिनयाच्या जगात नाव कमावल्यानंतर मीनाने 2009 मध्ये विद्यासागर यांच्याशी लग्न केले. त्यांना नैनिका नावाची 11 वर्षांची मुलगी देखील आहे.