1. मनोरंजन
  2. बॉलीवूड
  3. सिनेगप्पा
  4. Prashant Tamang the winner of Indian Idol Season 3 has passed away

इंडियन आयडल सीझन 3 चा विजेता प्रशांत तमांग यांचे निधन

गायक आणि अभिनेता प्रशांत तमांग यांचे वयाच्या 43 व्या वर्षी निधन झाले आहे. चित्रपट निर्माते राजेश घटानी यांनी तमांग यांच्या निधनाची पुष्टी केली. दार्जिलिंगमधील गायक महेश सेव यांनी सोशल मीडिया पोस्टद्वारे प्रशांत यांना श्रद्धांजली वाहिली. 
गायक महेश सेवा म्हणाले की, प्रशांत तमांग यांना हृदयविकाराचा झटका आला होता. त्यावेळी ते दिल्लीत राहत होते. महेश सेवा यांनी स्वतः रविवारी एका इंस्टाग्राम पोस्टमध्ये प्रशांत तमांग यांना श्रद्धांजली वाहिली. त्यांनी त्यांच्या पोस्टमध्ये लिहिले की, "माझ्या प्रिय भावाच्या निधनाबद्दल मी शोक व्यक्त करतो." 
इंडियन आयडल 3" चा विजेता प्रशांत तमांग यांनी पोलिस अधिकारी ते गायक असा प्रवास सुरू केला होता
या रिअॅलिटी शोमध्ये येण्यापूर्वी त्यांनी कोलकाता पोलिसात सेवा बजावली. ते पोलिस ऑर्केस्ट्राचे सदस्य होते आणि कधीकधी पोलिस कार्यक्रमांमध्ये गाणी गायले.
वरिष्ठांनी त्यांना इंडियन आयडलमध्ये सहभागी होण्याचा सल्ला दिला. इंडियन आयडल जिंकल्यानंतर, प्रशांत यांनी सोनी बीएमजी सोबत त्यांचा पहिला अल्बम रिलीज केला, ज्यामध्ये हिंदी आणि नेपाळी गाणी होती. नंतर, त्यांनी नेपाळी चित्रपटांमध्ये गायक आणि अभिनेता म्हणूनही काम केले. 
Edited By - Priya Dixit 
  
 
पुढील लेख
कांतारा चॅप्टर 1' आणि 'तन्वी द ग्रेट' ऑस्कर सर्वोत्कृष्ट चित्रपटाच्या शर्यतीत समावेश