प्रियंका चोप्रा यांना Gold Gala 2026 मध्ये 'ग्लोबल व्हॅनगार्ड ऑनर' या प्रमुख सन्मानाने गौरविण्यात येणार
बॉलिवूडपासून हॉलिवूडपर्यंत आपली ओळख निर्माण करणाऱ्या प्रियंका चोप्रा जोनास आता आपल्या नावावर आणखी एका मोठ्या कामगिरीची नोंद करणार आहेत. ९ मे २०२६ रोजी होणाऱ्या पाचव्या गोल्ड गालामध्ये प्रियंका यांना 'ग्लोबल व्हॅनगार्ड ऑनर' या पुरस्काराने सन्मानित केले जाईल.
हा पुरस्कार प्रियंका चोप्रा यांना जागतिक स्तरावर मनोरंजन उद्योगात आशियाई प्रतिनिधित्व मजबूत केल्याबद्दल आणि त्यांच्या २५ वर्षांच्या अतुलनीय कारकिर्दीसाठी दिला जातो.
गोल्ड हाऊसद्वारे आयोजित या वार्षिक सोहळ्याची यावर्षीची संकल्पना 'अ न्यू गोल्ड वर्ल्ड' (A New Gold World) आहे. इन्स्टाग्रामवर या सन्मानांची घोषणा करताना संस्थेने म्हटले आहे की, प्रियंका यांच्यासोबत मार्शल आर्ट्सचे दिग्गज जेट ली यांना 'गोल्ड लीजेंड ऑनर' आणि सिमू लिऊ यांना 'गोल्ड मोगुल ऑनर' प्रदान केला जाईल.
या सोहळ्याला ६५० हून अधिक जागतिक नेते उपस्थित राहणार आहेत. या कार्यक्रमाची सुरुवात प्रसिद्ध विनोदी कलाकार बोवेन यांग यांच्या एकपात्री प्रयोगाने होईल, तर हेली कियोको आपल्या सादरीकरणाने प्रेक्षकांना मंत्रमुग्ध करेल. हा कार्यक्रम केवळ पुरस्कारांसाठीचे व्यासपीठ नाही, तर सांस्कृतिक दरी कमी करण्याचा आणि एकतेचा संदेश पसरवण्याचा एक जागतिक प्रयत्न देखील आहे.
गेल्या काही वर्षांत, प्रियांकाने 'हेड्स ऑफ स्टेट' आणि 'द ब्लफ' (२०२५) सारख्या चित्रपटांद्वारे हॉलिवूडमध्ये आपले स्थान अधिक मजबूत केले आहे. तिने 'द ब्लफ'मध्ये केवळ अभिनयच केला नाही, तर त्याची निर्मितीही केली आहे. यापूर्वी, तिने 'द मॅट्रिक्स रिसरेक्शन्स', 'बेवॉच' आणि 'सिटाडेल' सारख्या मोठ्या फ्रँचायझींचा भाग म्हणून जागतिक स्तरावर आपली ओळख निर्माण केली आहे.
'वाराणसी'द्वारे बॉलिवूडमध्ये भव्य पुनरागमन
प्रियांका बऱ्याच काळानंतर भारतीय चित्रपटसृष्टीत पुनरागमन करत आहे. 'आरआरआर'च्या ऐतिहासिक यशानंतर, ज्येष्ठ दिग्दर्शक एस. एस. राजामौली आपला पुढचा चित्रपट 'वाराणसी' पडद्यावर आणत आहेत. प्रियंका, दाक्षिणात्य सुपरस्टार महेश बाबू आणि पृथ्वीराज सुकुमारन यांच्यासोबत मुख्य भूमिकेत दिसणार आहे.
Edited By- Dhanashri Naik
