संबंधित माहिती
- किरण खेर यांना झालेला मल्टिपल मायलोमा कॅन्सर नेमका काय आहे?
- Dadasaheb Phalke Award 2021: सुपरस्टार रजनीकांत यांना 51वा दादासाहेब फाळके पुरस्कार, जावडेकर यांनी जाहीर केले
- जेव्हा अनुष्का शर्मा ने म्हटले होते 'लग्नानंतर मी काम करणार नाही' सेटवर परत येताच VIDEO व्हायरल झाला
- समोर आला ‘अंधाधुन’ च्या रिमेक मधील नितीनचा जबरदस्त लुक
- राजश्री प्रॉडक्शनच्या सिनेमातून राजवीर देओल आणि अवनीश बड़जात्या करणार बॉलिवूडमध्ये पदार्पण
राज ठाकरे यांनी फेसबुक पोस्ट करत केले रजनीकांत यांचे अभिनंदन
सुपरस्टार रजनीकांत यांना सीनेसृष्टीतील सर्वोच्च समजला जाणारा दादासाहेब फाळके पुरस्कार जाहीर झाला आहे. महाराष्ट्र निवनिर्माण सेनेचे अध्यक्ष राज ठाकरे यांनी देखील रजनीकांत यांचं कौतुक केलं आहे. कर्मभूमीचं ऋण अपार मानणाऱ्या या अभिनेत्याचं महाराष्ट्र नवनिर्माण सेनेतर्फे मनापासून अभिनंदन, राज ठाकरे यांनी केलं आहे. राज ठाकरे यांनी एक फेसबुक पोस्ट करत रजनीकांत यांचं अभिनंदन केलं.
“रजनीकांतना काहीच अशक्य नाही, असं त्यांच्या चाहत्यांना वाटणं योग्यच, पण अशा आशयाचे हलकेफुलके विनोद त्यांचे सिनेमे फारसे न पाहिलेला पण हिरहिरीने एकमेकांना पाठवतो. ज्या अभिनेत्याचं देऊळ उभारलं जाऊन, रजनीकांत ह्या व्यक्तीला जवळपास देवाच्या जवळ नेऊन त्यांचा एक पंथ निर्माण होतो, आणि इतकं असताना हाच अभिनेता अपूर्व प्रसिद्धीच्या झोतात देखील सिनेमातील पात्राची झूल उतरवून सामान्य माणसासारखा जगू शकतो असा हा एकमेवाद्वितीय सुपरस्टार. रजनीकांत ह्यांना दादासाहेब फाळके पुरस्कार जाहीर झाला. कर्मभूमीचं ऋण अपार मानणाऱ्या हा अभिनेत्याचं महाराष्ट्र नवनिर्माण सेनेतर्फे मनापासून अभिनंदन,” असं राज ठाकरे यांनी त्यांच्या फेसबुक पोस्टमध्ये म्हटलं आहे.
