संजयची सरप्राइज भेट

अभिनेता संजय दत्त याच्या बायोपिकच्या श‍ूटिंगला नुकतीच मुंबईत सुरूवात झाली असून परवा त्याने सिनेमाच्या सेटवर सरप्राईज भेट दिली. संजय दत्त त्याच्या 'भूमी' या सिनेमाच्या शूटिंगला सुरूवात करण्यापूर्वी त्याच्या बायोपिकच्या सेटवर जाऊन सगळ्यांना शुभेच्छा द्यायला हजर होता.

रणबीर कपूर, दिया मिर्झा, दिग्दर्शक राजकुमार हिरानी यांना भेटून त्याने त्यांच्याशी गप्पा मारल्या. सिनेमा कशा पद्धतीने शूट होणार आहे यावर चर्चाही केली. शिवाय त्यादिवशी शूट झालेल्या रणबीरच्या काही सीन्ससाठी त्याने मदतही केली.

रणबीरही प्रत्येक सीन शूट करताना संजय दत्तशी बोलून मग कॅमेर्‍यासमोर जात असल्याचं सेटवरच्या मंडळींनी सांगितले. अखेर सगळ्यांसोबत एकत्र जेवण करून संजयने निरोप घेतला.