Singer Ranjit Sidhu Death : पंजाबी गायक रंजीत सिद्धूची आत्महत्या

Publish: Sat, 1 Jul 2023 (17:02 IST) Updated: Sat, 1 Jul 2023 (17:06 IST)

पंजाबी गायक सिद्धू मुसेवाला यांच्या हत्येच्या धक्क्यातून चाहते अजूनही सावरले नव्हते की आता पंजाबी संगीत उद्योगातून आणखी एक दुःखद बातमी समोर येत आहे. पंजाबी लोक गायक रणजीत सिद्धू यांनी आत्महत्या केल्याची बातमी आहे. शुक्रवारी रात्री सिंगरचा मृतदेह रेल्वे ट्रॅकजवळून सापडला. वृत्तानुसार, रणजीत सिद्धूने नातेवाईकांच्या त्रासाला कंटाळून ट्रेनसमोर येऊन आत्महत्या केली आहे.  

रुळावरून मृतदेह सापडला असून मृतदेह रणजीत सिद्धूचे असल्याचे समोर आले असून तो सुनाम येथे राहत होते. याप्रकरणी जीआरपी एसआयचे वक्तव्यही समोर आले आहे. वेबसाइटनुसार, जीआरपी एसआय जगविंदर आणि जीआरपी नरदेव सिंह यांनी सांगितले की, रेल्वे ट्रॅकवरून एक मृतदेह सापडला होता, जो ओळखण्यासाठी जीआरपी चौकीत ठेवण्यात आला होता. आज त्याची ओळख सुनम रहिवासी रणजितसिंग अशी झाली आहे.

रणजित यांच्या पत्नीने सांगितले की , काही दिवसांपूर्वी त्यांनी आपल्या मुलीचे लग्न केले. नंतर त्यांच्या नातेवाईकांशी वाद सुरु होता. या गोष्टीवरून त्यांना त्रास होता. या कारणास्तव त्यांनी आत्महत्या केली. या प्रकरणात काही लोकांच्या विरोधात गुन्हा दाखल करण्यात आला आहे. मृतदेह शवविच्छेदन करून नातेवाईकांच्या ताब्यात देण्यात आला आहे आहे. 

Edited by - Priya Dixit