Sikandar Trailer: सिकंदर'चा ट्रेलर प्रदर्शित, चित्रपटाबद्दल प्रेक्षकांमध्ये प्रचंड उत्सुकता
सलमान खान आणि रश्मिका मंदान्ना यांच्या आगामी 'सिकंदर' चित्रपटाबद्दल प्रेक्षकांमध्ये प्रचंड उत्सुकता आहे. चित्रपटाच्या प्रदर्शनाला फारसे दिवस शिल्लक नाहीत. हा चित्रपट ईदच्या मुहूर्तावर चित्रपटगृहात दाखल होणार आहे. रविवारी, चित्रपटाचा ट्रेलर रिलीज झाला.
या चित्रपटाचा ट्रेलर नाडियादवाला ग्रँडसनच्या यूट्यूब चॅनलवर रिलीज करण्यात आला आहे. चित्रपटात अ‍ॅक्शन, रोमान्स आणि मजा आहे. ट्रेलरमध्ये दबंग खानच्या खऱ्या स्टाईलची झलक दिसते.
ट्रेलरच्या सुरुवातीच्या दृश्यात सलमान खानचा पोस्टर दिसतो . नाव संजय राजकोटतो वॉन्टेड यादीत आहे आणि महाराष्ट्र पोलिस त्याचा शोध घेत आहेत. पार्श्वभूमीतून एक आवाज येतो, 'गेल्या पाच वर्षांत 49 प्रकरणे प्रलंबित आहेत'. पुढच्या दृश्यात, रश्मिका दिसते.
पुढच्या दृश्यात सलमान म्हणतो, 'तू मला बाहेर शोधत आहेस आणि मी तुझ्या घरात तुझी वाट पाहत आहे'. 'मनापासून केलेल्या शंभर चुका माफ होतात, पण जाणूनबुजून केलेल्या एका चुकीचीही माफी नसते', प्रतीक बब्बरची झलक दिसते. तो खलनायकाची भूमिका साकारत असल्याने, ट्रेलरमध्ये त्याला मारहाण होताना दिसत आहे.
या चित्रपटात रश्मिका मंदान्ना आहे, पण ती तिच्या गेल्या दोन-तीन चित्रपटांमध्ये दिसलेल्या स्टाईलमध्येच आहे. 'अ‍ॅनिमल' आणि 'पुष्पा २' मध्ये रश्मिकाने ज्या प्रकारच्या भूमिका साकारल्या आहेत, त्याच प्रकारची प्रतिमा ट्रेलरमध्येही दिसते. सध्या, ट्रेलरवर वापरकर्त्यांकडून संमिश्र प्रतिक्रिया येत आहेत.
