वायआरएफ कडून २५ जुलै रोजी 'वॉर २' ट्रेलर लॉन्च – ऋतिक रोशन आणि एनटीआर चा २५ वर्षांचा चित्रपट प्रवास साजरा होणार!

विशेष म्हणजे, २०२५ मध्ये ऋतिक रोशन आणि एनटीआर दोघांचेही चित्रपटसृष्टीतील २५ वर्षे पूर्ण होत आहेत आणि वायआरएफ ही ऐतिहासिक संधी साधत २५ जुलै रोजी 'वॉर २' चा ट्रेलर रिलीज करणार आहे.

वायआरएफ ने आज त्यांच्या सोशल मीडियावर ट्रेलर लॉन्चबाबत अधिकृत घोषणा करत म्हटलं: "२०२५ मध्ये भारतीय चित्रपटसृष्टीतील दोन आयकॉन्स त्यांचा वैभवशाली प्रवासाचे २५ वर्षे पूर्ण करत आहेत. या एकदाच येणाऱ्या संधीचा सन्मान करण्यासाठी, वायआरएफ २५ जुलै रोजी ‘वॉर २’ ट्रेलर लॉन्च करणार आहे!! टाइटन्स च्या या महाकाव्य संघर्षासाठी तयार व्हा!! आपले कॅलेंडर नक्की मार्क करा."

‘वॉर २’ हा चित्रपट १४ ऑगस्ट २०२५ रोजी हिंदी, तेलुगू आणि तमिळ भाषांमध्ये संपूर्ण जगभरात प्रदर्शित होणार आहे. यामध्ये कियारा अडवाणी प्रमुख अभिनेत्रीच्या भूमिकेत आहे.