दिल्लीच्या प्रेमात पडलेय - सोनम
|
'साँवरिया' व 'दिल्ली 6' मध्ये तू लहानपणापासून ओळखणा-या कलाकारांबरोबर काम केलेस. हा अनुभव कसा होता?
मुळातच माझा स्वभाव मोकळा असल्याने कुणाशीही माझी चटकन मैत्री होते. तरीदेखील अभिनय करताना समोरचा व्यक्ती ओळखीचा असेल तर खूपच हलके वाटते. अभिषेकला मी खूप वर्षांपासून ओळखते. आम्ही दोघेही जुहूमध्येच राहतो आणि यापूर्वी अनेकवेळा भेटलो आहोत. सेटवर आम्ही मनमोकळ्या गप्पा मारायचो खरे सांगायचे झाले तर त्याने माझी खूपच मदत केली. त्याच्याकडे 35 चित्रपटांचा अनुभव आहे. रणबीर कपूरबद्दल विचाराल तर मी त्याला 'चड्डी बडी' म्हणते.
'दिल्ली 6' मधील मस्सकली या गाण्याची जोरदार धूम सुरू आहे, याबाबत काय सांगशील?
चित्रपटातील संगीत हा त्यातील आत्मा असतो. 'दिल्ली6' मधील हे गाणे चित्रपटाइतकेच दर्जेदार आहे, असे मी म्हणेन. या गाण्याने आम्हालाही आनंद दिला आहे. ए. आर. रहमान यांच्या संगीतामुळे या गाण्याचा दर्जा अधिकच वाढला आहे.
तुझ्याकडून 'बिट्टू' ची भूमिका करून घेण्यात राकेश मेहरा यांना यश मिळाले, असे वाटते?
होय. 'मसकली-मटकली' गाण्याबद्दल बोलायचे झाले तर याचे श्रेय वैभवी मर्चेंट यांनाच दिले पाहिजे. राकेश यांनी पटकथेसाठी खूप मेहनत घेतली आहे. शूटिंगपूर्वीच स्क्रिप्टच इतकी अचूक होती की त्यामध्ये बदल करायची शक्यताही नव्हती.
दिल्ली तुला कसे वाटते?
खरे सांगायचे झाले तर मी दिल्लीच्या प्रेमात पडले आहे. तेथील लोक, फॅशन, बोलण्याच अंदाज मला खूपच भावला. तेथीललोक माझ्यासारखेच खाण्याचे शौकीन आहेत. नाचण्यासाठी डीजेमध्ये 70 आणि 80 च्या शतकातील हिट गाणी वाजवली जातात. मी तेथे गाजरचा हालवा आणि गोल-गप्पा अर्थात पाणीपुरी खाण्याचा आनंद लुटला.
हिंदू- मुस्लिम हा विषय घेण्यात आला आहे. यावर वाद होऊ शकतो?
याविषयावरून वाद होण्याची शक्यता नाही आणि वाद होणार नाही अशी मी आशा करते.
