प्रविणसाठी प्रमोद महाजन ''खलनायक''
|
22 एप्रिल 2006 रोजी प्रविणने प्रमोद यांच्या निवासस्थानी त्यांच्यावर गोळ्या झाडल्यानंतर प्रमोद यांचा रुग्णालयात मृत्यू झाला होता. या प्रकरणी प्रविणला न्यायालयाने जन्मठेपाची शिक्षा सुनावली असून, तुरुंगात असताना प्रविणने आत्मचरित्र लिहिले आहे.
महाराष्ट्रातील एका वृत्तपत्राने प्रविणच्या 'अल्बम' या पुस्तकातील काही अंश प्रकाशित केल्याने खळबळ उडाली आहे.
प्रविणने आपल्या पुस्तकात प्रमोद यांच्यावर वादग्रस्त टीका केली असून, त्यांना खलनायक या भूमिकेतून प्रविणने आपल्या पुस्तकात रंगवले आहे.
प्रमोद यांचे मंत्रिपद जाण्यासाठी खरे कारण, त्यांचा संघ आणि भाजपतील ज्येष्ठ नेत्यांवर असलेला दबाव, त्यांच्या अनेक भानगडी असल्याचा आरोपही प्रविणने आपल्या पुस्तकात केला आहे.
प्रमोद महाजन यांच्या पत्नी रेखाही त्यांच्या स्वभावाला कंटाळल्या होत्या. त्यांना प्रमोद यांच्याकडून घटस्फोट हवा होता असा आरोपही प्रविणने आपल्या पुस्तकात केला आहे.
