भारतात करोनाचा पहिला बळी, सौदी अरेबियातून आलेल्या रुग्णाचा कर्नाटकात मृत्यू

मोहम्मद हुसेन सिद्दीकी असं मृत व्यक्तीचं नाव आहे. ते सौदी अरेबियातून आले होते. त्यांच्या संपर्कात जवळपास 43 जण आले होते. आता या 43 जणांचा शोध घेण्यात येतोय.

सिद्दीकी यांच्या नमुन्यांची तपासणी केल्यानंतर त्यांना करोनाची लागण झाल्याचं समोर आलं होतं. तेलंगणमधील एका रुग्णालयात उपचारसाठी ते दाखल झाले होते. 

देशातील 7 राज्यांमध्ये करोनाचे 16 नवीन रुग्ण आढळून आले आहेत. यामुळे करोनाच्या रुग्णांची संख्या 76 वर पोहोचली आहे. महाराष्ट्र, दिल्ली, लडाख, उत्तर प्रदेश आणि आंध्र प्रदेशात करोनाचे नवे रुग्ण आढळले आहेत.