शुक्रवार, 29 मार्च 2024
  1. वृत्त-जगत
  2. क्रिकेट मराठी
  3. क्रिकेट वर्ल्डकप 2015
Written By
Last Updated :हॅमिल्टन , बुधवार, 11 मार्च 2015 (10:04 IST)

धोनीचा नवा विक्रम

टीम इंडियाचा सगळ्यात यशस्वी कर्णधार मानल्या जाणार्‍या महेंद्रसिंग धोनीने काल वर्ल्ड कपमध्ये एका नव्या विक्रमाची नोंद केली आहे. आयर्लडला नमवून यंदाच्या वर्ल्ड कपमधील सलग पाचवा विजय साकारणारी धोनीसेना 2011 च्या वर्ल्ड कपपासून सलग नऊ सामने जिंकली आहे. याआधी 2003च्या वर्ल्ड कपमध्ये सौरव गांगुलीच्या नेतृत्वाखाली टीम इंडियाने सलग आठ सामने जिंकले होते. हा विक्रम धोनीने मोडला आहे
 
2011च्या वर्ल्डकपमधील शेवटचे चार सामने धोनी ब्रिगेडने जिंकले होते. त्यानंतर, यंदाच्या वर्ल्ड कपमध्ये सलग पाच सामन्यात त्यांचा पराभव झालेला नाही. म्हणजेच, वर्ल्ड कपमधील सलग नऊ सामने भारतीय संघाने धोनीच्या नेतृत्वाखाली जिंकले आहेत.
 
आयसीसी विश्वचषक : कर्णधारांचे सलग विजय 
पॉन्टींग ऑस्ट्रेलिया 24
धोनी भारत 09
लॉईड वेस्ट इंडीज 09
 
भारतीय कर्णधारांचे सर्वाधिक विजय  
धोनी 12
कपिलदेव 11
अझहरुद्दीन 10
गांगुली 09
 
* विश्वचषकाच्या सलग 9 सामन्यात भारत विजयी  
 
* सौरव गांगुलीच्या नेतृत्वाखाली 8 सामने जिंकले होते
 
* रिकी पॉटिंगच्या नेतृत्वाखाली 24 सामने जिंकण्याचा ऑस्ट्रेलियाचा विक्रम अबाधित
 
* रोहित शर्मा-शिखर धवनची आघाडीसाठी विक्रमी 174 धावांची भागीदारी